ຊົມເຊີຍວັນສ້າງຕັ້ງກອງທັບປະຊາຊົນລາວ ຢ່າງສຸດໃຈ !                                                                                                                                                                                                      ເພີ້ມຄວາມເຂັ້ມແຂງ ຂອງວຽກງານຄຸ້ມຄອງອາຫານ ແລະ ຢາ, ເພື່ອຈັດຕັ້ງປະຕິບັດວຽກງານເຊື່ອມໂຍງປະຊາຄົມເສດຖະກິດອາຊຽນຢ່າງມີປະສິດທິຜົນ.!                                                                                                                                                                                                       LAO  ENG 
 

ສະຖິຕິການຢ້ຽມຊົມ
 ກໍາລັງຊົມເວັບໄຊທ໌ຂະນະນີ້ 4
 ມື້ນີ້ 70
 ມື້ວານນີ້ 82
 ເດືອນນີ້ 3,076
 ເດືອນແລ້ວນີ້ 3,925
 ປີນີ້ 7,001
 ປີກາຍນີ້ 49,413
 ທັງໝົດ 106,400

 

ຂ່າວສານ ອາຫານ ແລະ ຢາ


ກະຊວງສາທາລະນະສຸກຮ່ວມກັນປູກຕົ້ນໄມ້
ປະກາດໂດຍ: ສຸກສົມຄວນ ຈັນທະມາດ, ວັນທີ: 08/06/2017

ສາຍອາຫານ ແລະ ຢາ ໄດ້ສ້າງຂະບວນການປູກຕົ້ນໄມ້ເນື່້ອງໃນວັນປູກຕົ້ນໄມ້ແຫ່ງຊາດ ຂຶ້ນໃນວັນທີ 1 ມິຖຸນາ ປີ 2017 ທີ່ສູນພືດ ແລະ ລ້ຽງສັດທີ່ເປັນຢາ ຂອງສະຖານບັນການແພດ ແລະ ການຢາພື້ນເມືອງ. ໃນພິທີເປີດຂະບວນການຄັ້ງນີ້ ໄດ້ຮັບກ່ຽດປັນປະທານເປີດ ແລະ ຮ່ວມປູກຕົ້ນໄມ້ໂດຍທ່ານ ຮອງສາດສະດາຈານ ດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະລັດຖະມົນຕີ, ຄະນະພັກກະຊວງ, ຜູ້ຕາງໜ້າຈາກກົມ, ສະຖານບັນການແພດ ແລະ ການຢາພື້ນເມືອງ, ຫ້ອງການກະຊວງ, ຫ້ອງການປະກັນສຸຂະພາບ, ສູນຕ່າງໆ, ໂຮງໝໍ ແລະ ອົງການຈັດຕັ້ງມະຫາຊົນ ແລະ ພະນັກງານຈາກພາກສ່ວນຕ່າງໆ ແລະ ອໍານາດການປົກຄອງ ເມືອງໄຊທານີ ລວມທັງໝົດ 120 ທ່ານເຂົ້າຮ່ວມ. ຕົ້ນໄມ້ທີ່ນໍາມາປູກຄັ້ງນີ້ ມີ 1,000 ເບຍໄມ 35 ແນວພັນພືດ. ການປູກຕົ້ນໄມ້ ກໍ່ແມ່ນການສະໜອງຕອບຕໍ່ແນວທາງຂອງພັກ ແລະ ນະໂຍບາຍຂອງລັດທີວາງອອກ ໂດຍສະເພາະການສູ້ຊົນເຮັດໃຫ້ປ່າປົກຫຸ້ມທົ່ວປະເທດ ເພີ້ມຂຶ້ນ 70% ໃນປີ 2020; ແມ່ນປະຕິບັດທິດຊີ້ນໍາຂອງຄະນະພັກ, ຄະນະນໍາຂອງກະຊວງສາທາລະນະສຸກ ເພື່ອສ້າງຂະບວນການຕ່າງໆ ທີ່ສໍາຄັນ ໃນປີ 2017. ໃນວາລະດຽວກັນນີ້ ສູນສະໜອງຢາ ແລະ ອຸປະກອນການແພດ ກໍ່ໄດ້ສ້າງຂະບວນການປູກຕົ້ນໄມ້ຈັດຂຶ້ໜທີ່ ສ້າງຢາ ແລະ ອຸປະກອນການແພດ ບ້ານນ້ອຍຊຽງດາ ເມືອງໄຊເສດຖາ ໂດຍການເຂົ້າຮ່ວມຢ່າງຂອງສາຍອາຫານ ແລະ ຢາ.

ຄຽງຄູກັບກິດຈະກໍາການປູກຕົ້ນໄມ້ແລ້ວ ຢູ່ພາຍໃນກົມອາຫານ ແລະ ຢາ ກໍ່ໄດ້ຍັງຈັດງານສະເຫຼີມສະຫຼອງວັນເດັກຂຶ້ນ ໃນວັນທີ 1 ມິຖຸນາ 2017 ໃຫ້ແກ່ບັນດາລູກຫຼານພະນັກງານຂອງກົມ ເຊິ່ງໃຫ້ກຽດເປັນປະທານໃນງານດັ່ງກ່າວໂດຍທ່ານ ດຣ. ສີວົງ ແສງອາລຸນເດດ ຮອງຫົວໜ້າກົມອາຫານ ແລະ ຢາ.​ ໃນງານດັ່ງກ່າວ ໄດ້ມີການຕອບຄໍາຖາມ ແລະ ມອບຂອງຂວັນໃຫ້ແກ່ເດັກ ເຊິ່ງບັນຍາກາດເຕັມໄປດ້ວຍຄວາມສຸກ ແລະ ຟົດຟື້ນມ່ວນຊື່ນ. ກິດຈະກໍາປູກຕົ້ນໄມ້ ແລະ ຈັດງານວັນເດັກທຸກໆ ປີ ຂອງສາຍອາຫານ ແລະ ຢາ ແມ່ນໄດ້ຮັບຈັດຂຶ້ນຢ່າງຕໍ່ເນື່ອງໃນທຸກໆປີ. 

 
             
 
 
         
  ASIAN DEVELOPMENT BANK Association of Southeast Asian Nations - ASEAN Japan International Cooperation Agency - JICA Korea International Cooperation Agency (KOICA) The Global Fund to Fight AIDS, Tuberculosis and Malaria World Food Programme World Food Programme The World Bank  Ministry of Health Lao PDR.  United Nations Office on Drugs and Crime World Health Organization: WHO  Swedish International Development Cooperation Agency: SIDA