ຈຸດປະສົງຂອງພິທີການແມ່ນ ເພື່ອເປີດຂະບວນການແຂ່ງຂັນຮັກຊາດ ແລະ ພັດທະນາໃນວຽກງານກົມອາຫານ ແລະ ຢາ 5 ປີ (2021-2025) ເຊິ່ງຕິດພັນກັບການສ້າງໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນ ແລະ ເພື່ອປຸກລະດົມກໍາລັງແຮງຂອງພະນັກງານ-ລັດຖະກອນ, ນໍໍ້າໃຈດຸຫມັັ່ນ, ປະຢັດ, ຊື່ສັດ, ອົດທົນ,  ປະດິດສ້າງ, ເສີມຂະຫຍາຍສິດເປັນເຈົັ້າການຂອງພະນັກງານ-ລັດຖະກອນ  ຂອງ ກົມ, ປະກອບສ່ວນສູ້ຊົນ ປະຕິບັດບັນດາຄາດຫມາຍ ທີ່ພັກ-ລັດ ມອບໝາຍ ເວົ້າລວມ ໂດຍສະເພາະຄາດໝາຍສູ້ຊົນຂອງສາຍແຜນງານອາຫານ ແລະ ຢາ ຢ່າງມີປະສິດທິພາບ, ປະສິດທິຜົນ ເພື່ອຮັບປະກັນ ຄຸນນະພາບແລະ ຄວາມປອດໄພ ຂອງຜູ້ບໍລິໂພກອາຫານ, ຢາ ແລະ ຜະລິດຕະພັນການແພດ.

ໃນການດໍາເນີນພິທີການໃນຄັ້ງນີ້ ໄດ້ມີການປະດັບຫຼຽນໄຊ,  ຫຼຽນກາແຮງງານ, ມອບໃບຍ້ອງຍໍຂັ້ນລັດຖະບານ ແລະ ໃບຍ້ອງຍໍຂັ້ນກະຊວງ ໃຫ້ພະນັກງານພາຍໃນກົມອາຫານ ແລະ ຢາ ແລະ ຈັບມືແຂ່ງຂັນພິທີເປີດຂະບວນການແຂ່ງຂັນຮັກຊາດ ແລະ ພັດທະນາ.

ນອກຈາກນີ້ກໍ່ຍັງໄດ້ ມີການເຜີຍແຜ່ຄໍາສັ່ງແນະນຳກ່ຽວກັບການກໍ່ສ້າງຮາກຖານການເມືອງຕິດພັນກັບວຽກງານຊົນນະບົດຮອບດ້ານແກ້ໄຂຄວາມທຸກຍາກ ແລະ ວຽກງານສາມສ້າງ ໂດຍທ່ານ ປະທານກອງປະຊຸມ ແລະ ການສະເໜີ ບົດສະຫຼຸບຜົນງານການແຂ່ງຂັນຮັກຊາດ ແລະ ພັດທະນາ 5 ປີຜ່ານມາ ແຕ່ປີ 2016-2020 ແລະ ແຜນການສູ້ຊົນໃນ 5 ປີ ຕໍ່ໜ້າ ແຕ່ມີ 2021-2025 ໂດຍວາງຄາດໝາຍເປັນຂໍ້ແຂ່ງຂັນຮັກຊາດ ແລະ ພັດທະນາ ໂດຍສະເພາະ 83 ຕົວຊີ້ບອກ ຮອດປີ 2025 ເຊິ່ງສະເໜີໂດຍໂດຍທ່ານ ດຣ. ສຸກສົມຄວນ ຈັນທະມາດ ເລຂາໜ່ວຍພັກກົມອຫານ ແລະ ຢາ ຮອງຫົວໜ້າກົມອາຫານ ແລະ ຢາ. ຫຼັງຈາກນັ້ນ ໄດ້ພ້ອມກັນຈັບມືແຂ່ງຂັນເພື່ອສູ້ຊົນຈັດຕັ້ງປະຕິບັດໃຫ້ບັນລຸຕາມຄາດໝາຍທີ່ໄດ້ກໍານົດໄວ້.

ຫຼັງຈາກນັ້ນທ່ານ ປອ ດຣ. ບຸນຊູ ແກ້ວຫາວົງ ໄດ້ມີຄຳເຫັນ ແລະ ໂອ້ລົມພະນັກງານ ທ່ານໄດ້ເນັ້ນໃສສາມວຽກຄື:

1. ວຽກກໍ່ສ້າງຮາກຖານການເມືອງເພື່ອສ້າງພະນັກງານໃຫ້ມີຄຸນນະພາບດ້ານຄຸນທາດການເມືອງແນວຄິດຫຼັກໝັ້ນ ແລະ ນຳເອົາແນວທາງຂອງພັກມາເປັນບ່ອນອີງໃນການຈັດຕັ້ງປະຕິບັດວຽກງານ;
2. ວຽກງານພັດທະນາຊົນນະບົດຮອບດ້ານເພື່ອແກ້ໄຂຄວາມທຸກຍາກ ແລະ;
3. ວຽກງານ 3 ສ້າງໂດຍແມ່ນການສ້າງແຂວງໃຫ້ເປັນຫົວໜ່ວຍຍຸດທະສາດ ສ້າງເມືອງໃຫ້ເປັນຫົວນ່ວຍເຂັ້ມແຂງຮອບດ້ານ ແລະ ສ້າງບ້ານໃຫ້ເປັນບ້ານພັດທະນາ.

ໃນຕອນທ້າຍ ທ່ານ ດຣ. ນາງວຽງໄຊ ວັນສີລາລົມ ປະທານກວດກາ ຮອງຫົວໜ້າກົມອາຫານ ແລະ ຢາຕາງໜ້າໃຫ້ພະນັກງານທຸກຄົນໃນກົມອາຫານ ແລະ ຢາກໍ່ໄດ້ກ່າວຮັບຄໍາໂອວາດຂອງທ່ານປະທານ ແລະ ຜົນງານຂອງກົມອາຫານ ແລະ ຢາໃນການປະຕິບັດວຽກງານຕະຫຼອດ 5 ປີ ຈົນປະສົມຜົນສຳເລັດ ຊື່ງໄດ້ສະແດງອອກຈາກການທີ່ໄດ້ຮັບຫຼຽນໄຊ ຫຼຽນກາ ແລະ ໃບຍ້ອງຍໍແຕ່ລະຂັ້ນ ແລະ ປະຕິຍານວ່າຈະເຮັດໃຫ້ໄດ້ໄວ ເຮັດໃຫ້ໄດ້ດີ ເຮັດໃຫ້ໄດ້ຫຼາຍ ມີຜົນຖືກຕ້ອງ ແລະ ມີຄຸນນະພາບ.