ຈຸດປະສົງເພື່ອຄົ້ນຄ້ວາຮ່າງເນື້ອໃນຂໍ້ຕົກລົງວ່າດ້ວຍ ການຂື້ນທະບຽນ ແລະ ຈົດແຈ້ງອຸປະກອນການແພດ ແລະ ຮ່າງຂໍ້ຕົກລົງວ່າດ້ວຍການຄຸ້ມຄອງການຜະລິດຢາ ແລະ ອຸປະກອນການແພດ ເພື່ອເປັນການຜັນຂະຫຍາຍ ກົດໝາຍວ່າດ້ວຍຢາ ແລະ ຜະລິດຕະພັນການແພດ ໃຫ້ເປັນອັນລະອຽດຕື່ມ ໂດຍສະເພາະ ແມ່ນດ້ານການຄຸ້ມຄອງອຸປະກອນການແພດ.

ໃນວາລະກອງປະຊຸມໄດ້ນຳສະເໜີກ່ຽວກັບໂຄງສ້າງ ແລະ ເນື້ອໃນຂອງຂໍ້ຕົກລົງທັງສອງສະບັບ ຈາກນັ້ນ ໄດ້ແບ່ງເປັນກຸ່ມເພື່ອຄົ້ນຄວ້າ, ປຶກສາຫາລື ແລະ ຕາງໜ້າແຕ່ລະກຸ່ມໄດ້ນຳສະເໜີ ຜົນການການຄົ້ນຄ້ວາ  ແລະ ຜູ້ເຂົ້າຮ່ວມປະຊຸມທັງໝົດກໍ່ໄດ້ປະກອບຄຳຄິດເຫັນ, ຊຶ່ງໂດຍລວມແມ່ນເຫັນດີຕາມໂຄງສ້າງທີ່ໄດ້ຮ່າງໃນເບື້ອງຕົ້ນ ສ່ວນດ້ານເນື້ອໃນແມ່ນຈະໄດ້ປັບປຸງຕື່ມໃນບາງມາດຕາ. ຈາກນັ້ນ, ທ່ານປະທານກໍ່ໄດ້ມີຄຳເຫັນຕໍ່ກອງປະຊຸມ ແລະ ມອບໃຫ້ກອງເລຂານຳເອົາເນື້ອໃນຂໍ້ຕົກລົງທັງສອງສະບັບໄປປັບປຸງຕື່ມຕາມການເປັນເອກະພາບກັນໃນທີ່ປະຊຸມ ເພື່ອໃຫ້ແທດເໝາະກັບສະພາບຕົວຈິງຂອງ ສປປ ລາວ ແລະ ໃຫ້ສອດຄ່ອງກັບລະບຽບການຂອງສາກົນ ແລະ ພາກພື້ນ. ຈາກນັ້ນ, ຈຶ່ງນໍາເອົາເນື້ອໃນດັ່ງກ່າວໄປຜ່ານຮ່ວມກັບເຈົ້າໜ້າທີ່ພາກລັດອີກຄັ້ງໜຶ່ງກ່ອນນໍາສະເໜີຂໍອະນຸມັດຈາກທ່ານລັດຖະມົນຕີກະຊວງສາທາລະນະສຸກ.