ຈຸດປະສົງຂອງກອງປະຊຸມໃນຄັ້ງນີ້ເພື່ອມອບ-ຮັບງົບປະມານ ໃນເບື້ອງຕົ້ນເພື່ອນໍາໃຊ້ເຂົ້້າໃນການຈັດຊື້ສານມາດຕະຖານ ເພື່ອສະໜອງໃຫ້ແກ່ສູນວິໄຈອາຫານ ແລະ ຢາ ແຫ່ງຊາດ ນໍາໄປປະຕິບັດວຽກງານຕົວຈິງໃນການວິໄຈຕົວຢ່າງປະເພດຢາເສບຕິດ. ນອກຈາກນັ້ນ, ຍັງໄດ້ລາຍງານສະພາບລວມຂອງການປະຕິບັດວຽກງານໃນໄລຍະທີ່ຜ່ານມາ ເປັນຕົ້ນແມ່ນຂໍ້ຫຍຸ້ງຫຍາກ ແລະ ສິ່ງທີ່ທ້າທາຍ ເພື່ອຮ່ວມມື ແລະ ປະສານງານໃນຕໍ່ໜ້າ.

ໃນກອງປະຊຸມຍັງໄດ້ມີການແລກປ່ຽນທາງດ້ານວິຊາການກ່ຽວກັບເຕັກນິກການວິໄຈ, ການບໍາລຸງຮັກສາ ແລະ ການສ້ອມແປງອຸປະກອນການວິໄຈ ລະຫວ່າງສູນວິໄຈອາຫານ ແລະ ຢາແຫ່ງຊາດ ແລະ ກອງບັນຊາການ ປກສ ນະຄອນຫຼວງພ້ອມດຽວກັນນີ້ໄດ້ສະເໜີໃຫ້ ປກສ ນະຄອນຫຼວງ ສືບຕໍ່ສະໜັບສະໜູນເພື່ມເສີມສ້າງຄວາມອາດສາມາດໃຫ້ແກ່ບຸກຄະກອນ, ສະໜອງອຸປະກອນທີ່ທັນສະໄໝ ແລະ  ເຄມີທີ່ກ່ຽວຂ້ອງໃນການວິໄຈເພື່ອອໍານວຍຄວາມສະດວກໃຫ້ມີຄວາມວ່ອງໄວ ແລະ ທັນການໃນການປະຕິບັດວຽກງານ.