ພະແນກຄຸ້ມຄອງການຢາໂຮງໝໍ

ມາດຕາ 11 ຂອງຂໍ້ຕົກລົງຂອງກະຊວງສາທາລະນຸສກ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມອາຫານ ແລະ ຢາ ເລກທີ 0043/ກຊສ, ລົງວັນທີ 25 ມັງກອນ 2021 ກໍານົດໜ້າທີ່ຂອງ ພະແນກຄຸ້ມຄອງການຢາໂຮງໝໍ ດັ່ງລຸ່ມນີ້:

1. ​ຄົ້ນຄວ້າສ້າງຮ່າງນະໂຍບາຍ, ​ຍຸດ​ທະ​ສາດ, ແຜນ​ງານ, ​ແຜນ​ການ ແລະ ​ໂຄງ​ການກ່ຽວກັບວຽກງານຂຶ້ນທະບຽນຜະລິດຕະພັນຢາ ແລະ ອຸປະກອນການແພດ ທີ່ໃຊ້ໃນແຜນງານດ້ານສຸຂະພາບແຫ່ງຊາດ ແລະ ການຈັດຕັ້ງໃດໜຶ່ງໂດຍບໍ່ມີເປົ້າໝາຍທາງດ້ານທຸລະກິດ, ການສົ່ງເສີມການນຳໃຊ້ຢາສົມເຫດສົມຜົນ ແລະ ຢາຈຳເປັນພື້ນຖານ, ເຝົ້າລະວັງຄວາມປອດໄພຢາ ແລະ ອຸປະກອນການແພດ ໃນແຕ່ລະໄລຍະ ໃຫ້ກະທັດ​ຮັດ, ສົມເຫດສົມຜົນ ແລະ ມີປະສິດທິຜົນ;
2. ຄົ້ນຄວ້າ, ສ້າງ, ປັບປຸງ ແລະ ເຜີຍແຜ່ກົດໝາຍ, ນິຕິກຳລຸ່ມກົດໝາຍ, ຄູ່ມືປະຕິບັດ, ຂັ້ນຕອນການປະຕິບັດງານທີ່ເປັນມາດຕະຖານ ແລະ ແບບຟອມຕ່າງໆ ທີ່ກ່ຽວຂ້ອງກັບການຄຸ້ມຄອງການຢາໂຮງໝໍ;
3. ພັດທະນາ ແລະ ປັບປຸງບັນຊີຢາຈໍາເປັນພື້ນຖານແຫ່ງຊາດ, ຄູ່ມືການນໍາໃຊ້ຢາແຫ່ງຊາດ, ຄູ່ມືຫຼັກການປະຕິບັດການຢາໂຮງໝໍທີ່ດີ ແລະ ຄູ່ມືເຝົ້າລະວັງຄວາມປອດໄພຈາກການນຳໃຊ້ຢາ ແລະ ອຸປະກອນການແພດ;
4. ຄົ້ນຄວ້າ ແລະ ນໍາສະເໜີອອກອະນຸຍາດ, ຕໍ່, ໂຈະ ແລະ ຖອນ ທະບຽນຜະລິດຕະພັນຢາ ແລະ ອຸປະກອນການແພດ ທີ່ໃຊ້ໃນແຜນງານດ້ານສຸຂະພາບແຫ່ງຊາດ ແລະ ການຈັດຕັ້ງໃດໜຶ່ງ ໂດຍບໍ່ມີເປົ້າໝາຍທາງດ້ານທຸລະກິດ;
5. ດຳເນີນການເກັບກຳຂໍ້ມູນ, ຕິດຕາມ, ສືບສວນ-ສອບສວນ ແລະ ປະເມີນຫາສາເຫດຂອງການເກີດຜົນສະທ້ອນຈາກການນຳໃຊ້ຢາ ແລະ ອຸປະກອນການແພດ ເພື່ອລາຍງານໃຫ້ຈຸດປະສານງານຂອງສາກົນ ແລະ ແຈ້ງເຕືອນ ຫຼື ອອກມາດຕະການ ໂດຍສົມທົບກັບພາກສ່ວນທີ່ກ່ຽວຂ້ອງ;
6. ຄົ້ນຄວ້າ ແລະ ນຳສະເໜີ ອອກອະນຸຍາດ, ຕໍ່ ແລະ ຖອນ ໃບຢັ້ງຢືນລະບົບການຄຸ້ມຄອງການຢາໂຮງໝໍທີ່ດີ (GHPP);
7. ສົ່ງເສີມການມີຢາ ແລະ ອຸປະກອນການແພດໃຫ້ພຽງພໍ, ລາຄາເໝາະສົມ ແລະ ນຳໃຊ້ໃຫ້ສອດຄ່ອງກັບຫຼັກການ ຢູ່ໃນສະຖານທີ່ສາທາລະນະສຸກແຕ່ລະຂັ້ນ ລວມທັງ ຕູ້ຢາປະຈຳບ້ານ;
8. ຕິດຕາມ ແລະ ປະເມີນການຈັດຕັ້ງປະຕິບັດວຽກງານຮັບປະກັນການມີຢາ ແລະ ອຸປະກອນການແພດ, ການນຳໃຊ້ຢາສົມເຫດສົມຜົນ ແລະ ຜົນສະທ້ອນຈາກການນຳໃຊ້ຢາ ແລະ ອຸປະກອນການແພດ;
9. ຄົ້ນຄວ້າວິທະຍາສາດກ່ຽວກັບການສົ່ງເສີມການນຳໃຊ້ຢາສົມເຫດສົມຜົນ, ການຕິດຕາມຜົນສະທ້ອນຈາກການນຳໃຊ້ຢາ ແລະ ອຸປະກອນການແພດ;
10. ປະສານສົມທົບ, ແລກປ່ຽນ, ຮ່ວມມື ແລະ ສະໜອງຂໍ້ມູນຜົນສະທ້ອນຈາກການນໍາໃຊ້ຢາ ທີ່ໃຊ້ໃນແຜນງານດ້ານສຸຂະພາບແຫ່ງຊາດ ແລະ ການຈັດຕັ້ງໃດໜຶ່ງໂດຍບໍ່ມີເປົ້າໝາຍທາງດ້ານທຸລະກິດ ໂດຍປະສານງານກັບພາກສ່ວນທີ່ກ່ຽວຂ້ອງທັງພາຍໃນ ແລະ ຕ່າງປະເທດ;
11. ຂຶ້ນແຜນກິດຈະກຳ ແລະ ແຜນງົບປະມານ ພ້ອມທັງ ຕິດຕາມ, ຄຸ້ມຄອງ ແລະ ສຳເນົາເອກະສານກ່ຽວກັບວຽກງານຄຸ້ມຄອງຢາໂຮງໝໍ;
12. ສະຫລຸບ, ສັງລວມ ແລະ ລາຍ​ງານສະພາບ​ການ​ເຄື່ອນ​ໄຫວວຽກງານ ປະຈຳອາທິດ ແລະ ເດືອນ ເພື່ອ​ໃຫ້ພະແນກບໍລິຫານ ສັງລວມ ແລະ ລາຍງານ ໃຫ້ຄະນະກົມ​;
13. ປະຕິບັດ​ໜ້າ​ທີ່​ອື່ນ ຕາມ​ການ​ມອບ​ໝາຍ​ຂອງ​ຄະນະ​ກົມ.

ໂຄງຮ່າງການຈັດຕັ້ງ