ກອງປະຊຸມຄະນະກໍາມະການອາຫານ ແລະ ຢາ  ໄດ້ຈັດຂຶ້ນ ທີ່ ແຂວງ ວຽງຈັນ ລະຫວ່າງວັນທີ 30-31 ກໍລະກົດ. ກອງປະຊຸມຄັ້ງນີ້ ໄດ້ໃຫ້ກຽດເຂົ້າຮ່ວມ ແລະ ເປັນປະທານ ໂດຍ ທ່ານ ດຣ. ນາງ ອິນລະວັນ ແກ້ວບຸນພັນ ລັດຖະມົນຕີຊ່ວຍວ່າການກະຊວງສາທາລະນະສຸກ, ທ່ານ ດຣ. ສົມທະວີ ຈາງວິສົມມິດ ຫົວໜ້າກົມອາຫານ ແລະ ຢາ, ທ່ານ ດຣ. ບຸນແຝງ ພູມມະໄລສິດ ຮອງຫົວໜ້າຫ້ອງການກະຊວງ,  ແລະ ມີຜູ້ເຂົ້າຮ່ວມ ຈາກພາກສ່ວນຕ່າງໆ ທີ່ກ່ຽວຂ້ອງ ເຊັ່ນ: ກະຊວງອຸດສາຫະກໍາ ແລະ ການຄ້າ, ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ, ກະຊວງກະສິກໍາ ແລະ ປ່າໄມ້, ຫ້ອງວ່າການລັດ ຖະບານ, ກະຊວງການເງິນ, ກະຊວງວິທະຍາສາດ ແລະ ເຕັກໂນໂລຍີ, ກະຊວງປ້ອງກັນປະເທດ ແລະ ກົມກອງອ້ອມຂ່າງກະຊວງ ລວມທັງໝົດ 28 ທ່ານ.