ຄະນະ​ເພສັຊສາດເລັ່ງຜະລິດເຈວລ້າງມື ເພື່ອປະກອບສ່ວນ​ຕ້ານ​ພະຍາດ​ໂຄ​ວິດ-19

ກອງມະນີ ນາມມະວົງມີໄຊ

ມະຫາວິທະຍາ​ໄລ ວິທະຍາສາດ ສາທາລະນະ​ສຸກ (ມວສ) ​ໂດຍ​ສະ​ເພາະ​ແມ່ນ​ຄະນະ​ເພສັຊ​ສາດ​ກໍ່​ໄດ້​ປະກອບສ່ວນ​​ໃນ​ການ​ປ້ອງ​ກັນ ​ແລະ ​ແກ້​ໄຂ​ການລະບາດ​ຂອງ​ພະຍາດ​ອັກ​ເສບ​ປອດ​ຈາກ​ເຊື້ອ​ຈຸລະ​ໂຣກ ສາຍ​ພັນ​ໃໝ່​ໂຄ​ວິດ-19​, ຊຶ່ງ​ທາງ​ຄະນະ​ເພສັຊສາດ​ໄດ້​ປຸງ​ແຕ່ງ​ເຈລລ້າງ​ມືສະໜອງ​ໃຫ້​ກະຊວງ​ສາທາລະນະ​ສຸກ​ໃນ​ໄລຍະ​ຜ່ານ​ມາ ​ມີ​ສອງ​ຂະໜາດ​ບັນຈຸ​ຄື: ຂະໜາດ​ບັນຈຸ 450g ຈຳນວນ 5.000 ກ່ອງ ​ແລະ ຂະໜາດ​ບັນຈຸ 50g ຈຳນວນ 3.​000 ຫຼອດ, ​ໃນປະຈຸ​ບັນ​ຄະນະ​ເພສັດ​ສາດ​ກໍ່​ກຳລັງ​ເລັ່ງໃສ່ການປຸງ​ແຕ່ງ​ເຈ​ລລ້າງ​ມື​ອີກ​ຕື່ມ ​ເພື່ອ​ສະໜອງ​ໃຫ້​ແກ່​ກະຊວງ​ສາທາລະນະ​ສຸກ ເພື່ອແຈກຢາໃຫ້ຕາໜ້າງການປິ່ນປົວໃຫ້ພຽງພໍ. ​ຄາດຄະ​ເນ​ວ່າ​ຈະ​ໃຫ້​ໄດ້ສະ ໜອງ​ໃນ​ເດືອນ​ເມສາ 2020ນີ້​ ໃນ​ຈຳນວນ 5.000 ກ່ອງ ​ແລະ 3.000 ຫຼອດ​ອີກ.​

ໃນ​ການ​ຜະລິດ​ເຈລລ້າງ​ມື​ແຕ່​ລະ​ຄັ້ງ​ທາງ​ຄະນະ​ທີ​ມງານ​ປຸງ​ແຕ່ງ​ແມ່ນ​ໄດ້​ນຳໃຊ້ວັດຖຸດິບເຫຼົ້າ (Ethyl Alcohol) ທີ່ມີຄຸນນະພາບ ເຂົ້າມາຜະລິດ ແລະ ມີການຄວບຄຸມທຸກຂະບວນຜະລິດ ແລະ ທົດສອບວັດແທກອົງສາ ເພື່ອຮັບປະກັນດ້ານຄຸນນະພາບ ແລະ ມີລະດັບອົງສາຂອງເຫຼົ້າທີ່ເໝາະສົມໃນການຂ້າເຊື້ອ.