​ການ​ຕິດຕາມ​ກວດກາ​ຄຸນ​ນະພາ​ບ​

​ເຫຼົ້າເຈລລ້າງ​ມືຂ້າ​ເຊື້ອ ​ແລະ ຜ້າ​ອັດ​ປາກ

ບົດຂ່າວໂດຍ: ດຣ. ກອງມະນີ ນາມມະວົງມີໄຊ

ໃນທ້າຍ​ເດືອນ​ມີນາ​ ຫາ ຕົ້ນ​ເດືອນ​ເມສາ 2020 ນີ້ ກອງ​ກວດກາ​ອາຫານ ​ແລະ ຢາ ​ໄດ້ສົມທົບ​ກັບ​ກົມ​ອາຫານ ​ແລະ ຢາ, ກົມ​ຕຳຫຼວດ​ສິ່ງ​ແວດ​ລ້ອມ ​ແລະ ກົມ​ການ​ຄ້າ​ພາຍ​ໃນ ​ໄດ້​ລົງ​ເຄື່ອນ​ໄຫວຕິດຕາມ, ​ເກັບ​ຕົວຢ່າງ​ ​ເພື່ອກວດກາຄຸນ​ນະພາ​ບ​ເຫຼົ້າ​ເຈ​ລລ້າງ​ມື ​ແລະ ຜ້າ​ອັດ​ປາກ​ທີ່ຈໍລະ​ຈອນ ຈຳໜ່າຍ​ຢູ່​ນະຄອນຫຼວງ​ວຽງ​ຈັນ ລວມທັງ​ໝົດ 47 ຕົວຢ່າງ ​ໃນ​ນັ້ນ​ເກັບ​ຕົວຢ່າງ​ຈາກ​ຜະລິດ​ຕະພັນ​ພາຍ​ໃນ​ມີ 07 ຕົວຢ່າງ, ບໍລິສັດ​ການ​ຢາ 10 ຕົວຢ່າງ, ຮ້ານ​ຂາຍ​ຢາ​ເອກະ​ຊົນ 10 ຕົວຢ່າງ, ຮ້ານ​ຄ້າ ມິ​ນິມາກ 10 ຕົວຢ່າງ ​ແລະ ຂາຍ​ທາງ​ອອນ​ລາຍ 10 ຕົວຢ່າງ, ຊຶ່ງ​ຕົວຢ່າງ​ທັງ​ໝົດ​ແມ່ນ​ໄດ້​ສົ່ງ​ໄປ​ສູນວິ​ໄຈອາຫານ ​ແລະ ຢາ ​ເພື່ອ​​ວິ​ໄຈດ້ານ​ຄຸນ​ນະພາ​ບຂອງຜະລິດຕະພັນດັ່ງກ່າວ.

 ສໍາລັບ​ເຈລລ້າງ​ມື​ແມ່ນ​ວິ​ໄຈ​ຫາ​ປະລິມານ​ອົງສາເຫຼົ້າ (Alcohol) ​ແລະ ສານ Methanol ທີ່ີລະບຸ​ຢູ່​ໃນ​ສະຫຼາ​ກຂອງ​ຜະລິດ​ຕະພັນ, ​ຊຶ່ງໃນ​ປະ​ຈະ​ບັນ​ແມ່ນ​ຍັງ​ລໍຖ້າ​ຜົນການ​ວິ​ໃຈ​ ລາຍ​ລະອຽດ​ຂອງ​ຜົນ​ວິໃຈທາງ​ກົມ​ອາຫານ ​ແລະ ຢາ​ຈະ​ມີ​ແຈ້ງ​ການ​ອອກ​ເຜີຍ​ແຜ່​ສູ່​ສັງຄົມ​ຕື່ມ​ອີກ.