ບົດຂ່າວໂດຍ: ສຸກສົມຄວນ ຈັນທະມາດ ຫົວໜ້າພະແນກບໍລິຫານ (ກອຢ)

 

ເພື່ອກຽມຄວາມພ້ອມໃນການຮັບປະກັນການສະໜອງອາຫານ ແລະ ເຄື່ອງດື່ມໃຫ້ມີຄວາມປອດໄພໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ທີ່ໄດ້ຈັດຂຶ້ນລະຫວ່າງ ວັນທີ 13-15 ມັງກອນ 2021. ກະຊວງສາທາລະນະສຸກ ໄດ້ແຕ່ງຕັ້ງຄະນະຮັບຜິດຊອບວຽກງານກວດກາອາຫານປອດໄພ ໂດຍມີກົມອາຫານ ແລະ ຢາ ເປັນໜ່ວຍງານໃຈກາງ ໃນການປະສານສົມທົບກັບ ກອງກວດກາອາຫານ ແລະຢາ, ສູນວິໃຈອາຫານ ແລະ ຢາ, ກົມອະນາໄມອະນາໄມສົ່ງເສີມສຸຂະພາບ, ສູນນ້ຳສະອາດ, ກະຊວງສາທາລະນະສຸກ  ພ້ອມກັນນັ້ນກໍຍັງມີ ສູນປ້ອງກັນພືດກະຊວງກະສິກຳ ແລະ ປ່າໄມ້. ເພື່ອ ຈັດຕັ້ງປະຕິບັດ ຄວາມຮັບຜິດຊອບໃນໜ້າທີ່ຮັບຜິດຊອບໃນການຮັບປະກັນອາຫານປອດໄພ ສະໜອງອາຫານ ແລະ ເຄື່ອງດື່ມ ໃຫ້ແກ່ກອງປະຊຸມ ແລະ ບັນດາໂຮງແຮມທີ່ຜູ້ແທນພັກເຊົາ.

 

ການຈັດຕັ້ງປະຕິບັດຕົວຈິງ, ທີມງານກວດກາອາຫານປອດໄພ ແມ່ນໄດ້ກະກຽມທິມງານ ແລະ ເຄື່ອງທົດສອບໄວໃນການກວດກາອາຫານ ແລະ ເຄື່ອງດື່ມ. ໄດ້ແບ່ງທີມງານເປັນສີ່ຈຸ ປະຈຳຢູ່ຫ້ອງປະຊຸມ ແລະ 6 ໂຮງແຮມທີີ່ຜູ້ແທນພັກເຊົາ. ໄດ້ມີການຈັດກອງປະຊຸມຝຶກອົບຮົມ ແລະ ຖອດຖອນບົດຮຽນຄືນກ່ຽວກັບການກວດກາອາຫານ, ຂັ້ນຕອນເກັບຕົວຢ່າງ ແລະ ການລາຍງານ ປະຕິບັດການລົງຕິດຕາມກວດກາການປຸງແຕ່ງ ແລະ ຈຳຫນ່າຍອາຫານ ຕາມໂຮງແຮມເປົ້າໝາຍ, ຮ້ານອາຫານ, ໂຮງງານຜະລິດອາຫານ, ນໍ້າດື່ມ, ນ້ຳກ້ອນ, ອາຫານຕາມມີນີມາເກັດ ແລະ ຕະຫລາດ ຈໍານວນທັງໝົດ 379 ແຫ່ງ, ແລະ ເກັບຕົວຢ່າງທົດສອບຕົວຈິງ ໂດຍການ ນໍາໃຊ້ Test kit ທັງໝົດ: 242 ຕົວຢ່າງ, ບໍ່ຜ່ານ 43 ຕົວຢ່າງ ຊຶ່ງສ່ວນຫລາຍແມ່ນຄວາມສະອາດຂອງພາຊະນະບັນຈຸອາຫານ ແລະ ອາຫານບາງລາຍການຍັງພົບ ສ່ວນຫລາຍແມ່ນເຊື້ອ Total Coliform, E.coli. ໂດຍລວມແລ້ວອາຫານ ແລະ ເຄື່ອງດື່ມມີຄວາມປອດໄພໃນລະດັບດີ.

 

ທິມງານອາຫານປອດໄພ ຂອງກະຊວງສາທາລະນະສຸກ ມີຄວາມພາກພູມໃຈ ແລະ ມີກຽດຢ່າງສູງສົ່ງທີ່ໄດ້ມີໂອກາດຮັບໃຊ້ກອງປະຊຸມໄຫຍ່ຜູ້ແທນທົ່ວປະເທດຂອງພັກ ຄັ້ງນີ້. ແລະ ທີມງານຈະສືບຕໍ່ປະຕິບັດໜ້າທີ່ດ້ວຍຄວາມຮັບຜິດຊອບສູງຈົນກອງປະຊຸມສຳເລັດ ແລະ ຊົມເຊີຍກອງປະຊຸມຄັ້ງນີ້ ຢ່າງສຸດໃຈ.