ຈຸດປະສົງພິທີໃນຄັ້ງນີ້ ແມ່ນໄດ້ຜ່ານບົດສະຫຼຸບການເຄື່ອນໄຫວການຈັດຕັ້ງປະຕິບັດວຽກງານປະຈຳປີ 2022 ແລະ ແຜນການປີ 2023, ເຊິ່ງສາມາດຕີລາຄາຜົນສໍາເລັດ ແລະ ສະພາບທີ່ພົ້ນເດັ່ນຂອງການປະຕິບັດວຽກງານກໍາມະບານ ໃນປີຜ່ານມາ, ພ້ອມທັງມອບໃບຍ້ອງຍໍ ຮາກຖານ ແລະ ບຸກຄົນດີເດັ່ນ ປະເພດ I ແລະ II ໂດຍອີງຕາມຂໍ້ຕົກລົງວ່າດ້ວຍການຍ້ອງຍໍ ດີເດັ່ນ ໃຫ້ແກ່ ຮາກຖານ ແລະ ສະມາຊິກ, ຫຼັງຈາກນັ້ນທ່ານປະທານ ສະຫາຍ ໄດ້ຮັບຟັງການເຜີຍແຜ່ມະຕິກອງປະຊຸມສາມັນຄົບຄະນະບໍລິຫານງານສູນກາງສະຫະພັນກໍາມະບານລາວ ຄັ້ງທີ 3 ສະໄໝຄັ້ງທີ VIII  ແລະ ເຜີຍແຜ່ມູນເຊື້ອການກໍາເນີດ ແລະ ເຕີບໃຫຍ່ຂະຫຍາຍຕົວຂອງສະຫະພັນກໍາມະບານລາວ ຄົບຮອບ 67 ປີ.

ຫຼັງຈາກນັ້ນ ທ່ານ ປະທານ ປອ. ດຣ ບຸນເລື່ອນ ດວງເດືອນ ຮອງປະທານສະຫະພັນກຳມະບານ ກະຊວງສາທາລະນະສຸກ, ຫົວໜ້າສະຖາບັນການແພດ ແລະ ການຢາພື້ນເມືອງ ໄດ້ມີຄຳເຫັນຕໍ່ບົດສະຫຼຸບການຈັດຕັ້ງປະຕິບັດວຽກງານປະຈຳປີ 2022 ແລະ ແຜນການປີ 2023 ແລະ ໃຫ້ຄໍາເຫັນຕໍ່ກໍາມະບານ ຮາກຖານ ກົມອາຫານ ແລະ ຢາ ໃຫ້ສືບຕໍ່ການຈັດຕັ້ງປະຕິບັດ ຕາມຂໍ້ແຂ່ງຂັນ 5 ເປັນເຈົ້າ ໃຫ້ໄດ້ຮັບການຢັ້ງຢືນ ເປັນຮາກຖານ ດີເດັ່ນປະເພດ I ໃນປີ 2023.