ກອງປະຊຸມ ຜ່ານຮ່າງຄູ່ມືແຫ່ງຊາດກ່ຽວກັບການກະສິກຳ ແລະ ການເກັບກູ້ພືດທີ່ເປັນຢາ

(Good Agriculture and Collection Practices : GACP)

ນຳສະເໜີຂ່າວໂດຍ: ກິລ່າ ບຸນປະເສີດ ພະແນກຄຸ້ມຄອງໂຄສະນາ ແລະ ຂ່າວສານ

        ສະຖາບັນການແພດ ແລະ ການຢາພື້ນເມືອງ ແລະ ກົມອາຫານ ແລະ ຢາ ໄດ້ເປັນຈັດກອງກອງປະຊຸມ ຜ່ານຮ່າງຄູ່ມືແຫ່ງຊາດກ່ຽວກັບການກະສິກຳ ແລະ ການເກັບກູ້ພືດທີ່ເປັນຢາ (Good Agriculture and Collection Practices : GACP) ຂື້ນແຕ່ວັນທີ 8-9 ເມສາ 2024 ທີ່ ຣີສອດ ນາປ່າກວາງ, ເມືອງ ທຸລະຄົມ, ແຂວງ ວຽງຈັນ. ໂດຍການເປັນປະທານຮ່ວມຂອງ ທ່ານ ປອ. ດຣ ບຸນເລື່ອນ ດວງເດືອນ ຫົວໜ້າສະຖາບັນການແພດ ແລະ ການຢາພື້ນເມືອງ ແລະ ທ່ານ ດຣ ສຸກສົມຄວນ ຈັນທະມາດ ຮອງຫົວໜ້າກົມອາຫານ ແລະ ຢາ. ກອງປະຊຸມໃນຄັ້ງນີ້ມີບັນດາແຂກຜູ້ເຂົ້າຮ່ວມຕາງໜ້າຈາກພາກສ່ວນ ກົມປ່າໄມ້ ແລະ ກົມປູກຝັງ ກະຊວງກະສິກຳ ແລະ ປ່າໄມ້, ຄະນະວິທະຍາສາດທໍາມະຊາດ ມະຫາວິທະຍາໄລແຫ່ງຊາດ, ຄະນະເພສັຊສາດ ມະຫາວິທະຍາໄລ ວິທະຍາສາດສຸຂະພາບ, ສະມາຄົມອານຸລັກຢາພື້ນເມືອງລາວ, ບໍລິສັດ SPC ຈຳກັດ, ກົມອາຫານ ແລະ ຢາ ແລະ ບັນດາພະແນກການຂອງສະຖານບັນການແພດ-ການຢາພື້ນເມືອງ ເຂົ້າຮ່ວມລວມທັງໝົດ 29 ທ່ານ.

         ຈຸດປະສົງຂອງກອງປະຊຸມແມ່ນ ເພື່ອຄົ້ນຄວ້າ ແລະ ປະກອບຄຳເຫັນຕໍ່ກັບຮ່າງຄູ່ມືແຫ່ງຊາດກ່ຽວກັບການກະສິກຳ ແລະ ການເກັບກູ້ພືດທີ່ເປັນຢາ, ເພື່ອສືບຕໍ່ຈັດຕັ້ງຜັນຂະຫຍາຍນະໂຍບາຍແຫ່ງຊາດ ແລະ ສ້າງຄວາມເຂັ້ມແຂງໃຫ້ແກ່ວຽກງານການແພດ ແລະ ການຢາພື້ນເມືອງ. ເຊິ່ງໃນວາລະຂອງກອງປະຊຸມໄດ້ມີການທົບທວນຄືນການຈັດຕັ້ງປະຕິບັດຄູ່ມືແຫ່ງຊາດ ການປະຕິບັດຫຼັກການກະສິກຳ ແລະ ການເກັບກູ້ພືດເປັນຢາທີ່ດີ ແລະ ໄດ້ມີການກຳນົດທິດທາງ ແລະ ແຜນການດໍາເນີນງານຂອງຄູ່ມືດັ່ງກ່າວ. ພ້ອມນັ້ນ ຍັງໄດ້ມີການຈັດແບ່ງກຸ່ມຄົ້ນຄວ້າອອກເປັນ 03 ກຸ່ມເພື່ອ ປຶກສາຫາລື ແລະ ສົນທະນາແລ້ວນຳສະເໜີ ຕໍ່ກອງປະຊຸມ. ບັນດາແຂກທີ່ເຂົ້້າຮ່ວມໄດ້ມີການສົນທະນາ ປະກອບຄຳຄິດເຫັນ ແລກປ່ຽນຂໍ້ມຸນເຊີ່ງກັນ ແລະ ກັນ ໃສ່ຮ່າງຄູ່ມືດັ່ງກ່າວດ້ວຍຄວາມເປັນເອກະພາບ.

        ຈາກນັ້ນ, ທ່ານປະທານໄດ້ມີຄຳເຫັນຕໍ່ກອງປະຊຸມ ແລະ ໄດ້ກ່າວສະແດງຄວາມຊົມເຊີຍບັນດາທ່ານທີ່ເຂົ້້າຮ່ວມທີ່ມີຄວາມເອົາໃຈໃສ່ປະກອບຄຳຄິດຄຳເຫັນໃສ່ຮ່າງຄູ່ມືນີ້, ຄະນະຈັດຕັ້ງກອງປະຊຸມຈະນໍາເອົາເນື້ອໃນທັງໝົດຮ່າງຄູ່ມືນີ້ໄປປັບປຸງໃຫ້ລະອຽດຕື່ມ