| |
|
| |
| ກອງປະຊຸມປະເມີນການຈັດຕັ້ງປະຕິບັດ ຍຸດທະສາດພັດທະນາ ວຽກງານການຢາໂຮງໝໍ 2021-2025 | | ປະກາດໂດຍ: ທ້າວ ວ່າງຈື້ຊົ່ງ ຕົງນາມະວົງ, ວັນທີ: 25/06/2025 |
| ກົມອາຫານ ແລະ ຢາ ໄດ້ຈັດກອງປະຊຸມ ກະກຽມປະເມີນການຈັດຕັ້ງປະຕິບັດຍຸດທະສາດພັດທະນາວຽກງານການຢາໂຮງໝໍ 2021-2025 ຂຶ້ນ ຢູ່ທີ່ ຣີສອດນາປ່າກວາງ, ເມືອງ ແກ້ວອຸດົມ, ແຂວງ ວຽງຈັນ ຂອງ ວັນທີ 25-27 ມິຖຸນາ 2025. ໂດຍການເປັນປະທານ ຂອງ ທ່ານ ປອ ດຣ. ສຸຣິສັກ ສູນວໍລະວົງ ຮອງຫົວໜ້າກົມອາຫານ ແລະ ຢາ ໂດຍມີເປົ້າໝາຍຜູ້ເຂົ້າຮ່ວມທີ່ມາຈາກ: ກົມອາຫານ ແລະ ຢາ, ສູນສະໜອງຢາ ແລະ ອຸປະກອນການແພດ, ຂະແໜງອາຫານ ແລະ ຢາ, ໂຮງໝໍແຂວງ ແລະ ໂຮງໝໍເມືອງ ທັງຫົວໜ້າ ແລະ ວິຊາການ ລວມທັງໝົດ 18 ແຂວງ ທົ່ວປະເທດ ຈຳນວນ 64 ທ່ານ. |
 |
| ຈຸດປະສົງກອງປະຊຸມໃນຄັ້ງນີ້ ແມ່ນເພື່ອກະກຽມໃນການປະເມີນການຈັດຕັ້ງປະຕິບັດຍຸດທະສາດການພັດທະນາວຽກງານການຄຸ້ມຄອງການຢາໂຮງໝໍ 2021-2025 ແລະ ກໍານົດແຜນກິດຈະກໍາຂອງຍຸດທະສາດ 2026-2030 ແນ່ໃສ່ ການຮັບປະກັນການມີຢາ ແລະ ຜະລິດຕະພັນການແພດ ທີ່ມີຄຸນນະພາບ, ປະສິດທິພາບ ແລະ ປອດໄພ ເຊິ່ງທຸກຄົນສາມາດເຂົ້າເຖິງໄດ້ ແລະ ເພື່ອປະກອບສ່ວນຍົກສູງຄຸນນະພາບການປິ່ນປົວ ແລະ ຮັກສາສຸຂະພາບຂອງປະຊາຊົນ. |
 |
| ວາລະຂອງກອງປະຊຸມຄັ້ງນີ້ ແມ່ນໄດ່ນຳສະເໜີ ທົບທວນຄືນການຈັດຕັ້ງປະຕິບັດຍຸດທະສາດພັດທະນາວຽກງານການຢາໂຮງໝໍ 2021-2025 (ບັນຫາ ແລະ ຂໍ້ຄົງຄ້າງ) ຂອງ ສູນກາງ ແລະ ບັນດາແຂວງ 18 ແຂວງ ທົ່ວປະເທດເພື່ອກະກຽມຈັດກອງປະຊຸມປະເມີນການຈັດຕັ້ງປະຕິບັດຍຸດທະສາດເຄິ່ງສະໄໝໃນທ້າຍປີ 2025, ເພື່ອວາງແຜນ ແລະ ທິດທາງແຜນການຕໍ່ໜ້າ ພ້ອມນັ້ນ, ຍັງໄດ້ແບ່ງກຸ່ມອອກເປັນ 05 ກຸ່ມ ຄົ້ນຄວ້າຕາມ 07 ມາດຕະຖານ ແລະ ນຳສະເໜີ ຄື: ກຸ່ມທີ 01: ຍຸດທະສາດ ສ້າງຄວາມເຂົ້າໃຈກ່ຽວກັບຢາໂຮງໝໍ, ກຸ່ມທີ 02: ຍຸດທະສາດ ຍົກລະດັບຄວາມຮູ້ຄວາມສາມາດຂອງເພສັຊກອນ ແລະ ເພສັຊກອນຊ່ວຍໂຮງໝໍ, ກຸ່ມທີ 03: ຍຸດທະສາດ ປັບປຸງ ແລະ ພັດທະນາການຄຸ້ມຄອງການຢາໂຮງໝໍໃຫ້ດີຂຶ້ນ, ກຸ່ມທີ 04: ຍຸດທະສາດ ປັບປຸງໂຄງລ່າງພື້ນຖານໃຫ້ໄດ້ມາດຕະຖານ ແລະ ພັດທະນາເຄື່ອງມືຊ່ວຍໃນກາາເຮັດວຽກໃຫ້ມີປະສິດທິພາບ ແລະ ກຸ່ມທີ 05: ຍຸດທະສາດເພີ້ມທະວີວຽກງານຕິດຕາມ ແລະ ປະເມີນຜົນ. ຫຼັງຈາກແຕ່ລະກຸ່ມໄດ້ນໍາສະເໜີແຕ່ລະຫົວຂໍ້ແລ້ວ ກໍໄດ້ສົນທະນາແລກປ່ຽນຄໍາຄິດເຫັນ, ຈັດບຸລິມະສິດວຽກງານ ແລະ ຜ່ານແຜນຮ່ວມກັນ 2026-2030 ແລະ ກອງປະຊຸມຍັງໄດ້ແນະນຳຄືນວິທີການປະເມີນ ການຈັດຕັ້ງປະຕິບັດການຢາໂຮງໝໍທີ່ດີ ເພື່ອໃຫ້ບັນລຸຕາມຄາດໝາຍທີ່ວາງໄວ້. |
 |
| | | |
|
| |
|
|
