ຈຸດປະສົງຂອງກອງປະຊຸມ ເພື່ອຖອດຖອນບົດຮຽນກ່ຽວກັບວຽກງານຕິດຕາມການຊົມໃຊ້ຢາຕ້ານເຊື້ອຢູ່ໃນ ສປປ ລາວ, ເພື່ອຖອດຖອນບົົດຮຽນກ່ຽວກັບການຈັດຕັ້ງປະຕິບັດວຽກງານຄຸ້ມຄອງການຢາໂຮງໝໍທີ່ດີຢູ່ໃນສອງແຂວງຕົວແບບ, ເພື່ອກໍານົດທິດທາງແຜນການໃນການຈັດ ຕັ້ງປະຕິບັດໃນປີ 2024. ໃນກອງປະຊຸມໄດ້ມີການນຳສະເໜີ ຜົນການຈັດຕັ້ງປະຕິບັດວຽກງານຄຸ້ມຄອງການຢາໂຮງໝໍທີ່ດີໃນສອງແຂວງຕົວແບບ, ການຊົມໃຊ້ຢາຕ້ານເຊື້ອໃນລະດັບຊາດ, ຜົນການຕິດຕາມການຊົມໃຊ້ຢາຕ້ານເຊື້ອໃນໂຮງໝໍ. ຂະແໜງອາຫານ ແລະ ຢາ ໂຮງໝໍ ແລະ ຂະແໜງອາຫານແລະ ຢາ ແຂວງວຽງຈັນ ແລະ ແຂວງສະຫວັນນະເຂດ ຍັງໄດ້ນຳສະເໜີ ພາບລວມການຈັດຕັ້ງປະຕິບັດສຳລັບວຽກງານຄຸ້ມຄອງການຢາໂຮງໝໍທີ່ດີ, ພາບລວມການຈັດຕັ້ງປະຕິບັດສຳລັບວຽກງານຄຸ້ມຄອງການຢາໂຮງໝໍທີ່ດີ ແລະ ການຕິດຕາມການຊົມໃຊ້ຢາຕ້ານເຊື້ອ ແລະ ພາບລວມການຈັດຕັ້ງປະຕິບັດສຳລັບວຽກງານການຄຸ້ມຄອງການຢາໂຮງໝໍທີ່ດີ. ນອກຈາກນີ້ ໃນກອງປະຊຸມຍັງໄດ້ປະກອບຄຳຄິດຄຳເຫັນໃສ່ຄຳຖາມເຈາະຈີ້ມທີ່ຍົກຂື້ນມາສົນທະນາໃນກອງປະຊຸມ ມີການສົນທະນາ ເພື່ອແລກປ່ຽນຄໍາຄິດຄໍາເຫັນ ແລະ ແກ້ໄຂບັນຫາຮ່ວມກັນ ຈາກສູນກາງ ແຂວງ ແລະ ເມືອງ; ຜູ້ເຂົ້າຮ່ວມທັງໝົດ ມີຄວາມເປັນເອກະພາບ ແລະ ສາມາດກຳນົດ ໄດ້ທິດທາງ ແລະ ວາງແຜນການໃນຕໍ່ໜ້າ ສຳລັບປີ 2024-2025; ຈາກນັ້ນທາງອົງການອະນາໄມໂລກໄດ້ແນະນຳວິທີການນຳໃຊ້ໂປຣແກຼມທີ່ຢູ່ໃນແທບເລັດໃຫ້ແກ່ບັນດາແຂວງໃຫ້ມີຄວາມເຂົ້້າໃຈໃນການນຳໃຊ້ ສຳລັບການປະເມີນວຽກງານຄຸ້ມຄອງການຢາໂຮງໝໍທີ່ດີ ແລະ ໄດ້ມອບແທບເລັດໃຫ້ແຕ່ລະແຂວງເພື່ອນຳເຂົ້າໃຊ້ໃນວຽກງານດັ່ງກ່າວ.

ຈາກນັ້ນ, ທ່ານ ດຣ. ນ. ຢູລີ ປາກ ຜູ້ປະສານງານຈາກອົງການອະນາໄມໂລກ ວຽກງານສາທາລະນະສຸກ ປະຈໍາ ສປປ ລາວ ເຊິ່ງທ່ານ ໄດ້ມີຄຳເຫັນຕໍ່ 02 ໜ້າວຽກຄື: ສໍາລັບ ວຽກງານຄຸ້ມຄອງການຢາໂຮງໝໍ ໜ້າວຽກຫຼັກຄື ການຮັບປະກັນການມີຢາ ແລະ ຜະລິດຕະພັນການແພດ ທາງອົງການ ອະນາໄມໂລກ ຈະສືບຕໍ່ໃຫ້ການຊ່ວຍເຫຼືອ ໃນວຽກດັ່ງກ່າວ ແລະ ເຫັນດີ ເປັນເອກະພາບ ທ່ານໝໍ ແລະ ເພສັຊກອນ ຄວນມີການເຮັດວຽກຮ່ວມກັນ ໂດຍສະເພາະ ການຈັດຕັ້ງປະຕິບັດ ຄຣີນິກຄອນ ຟາກມາຊີ ໃນໂຮງໝໍ; ສຳລັບໂຄງລ່າງພື້ນຖານ ຂອງການຢາໂຮງໝໍ ແມ່ນເຫັນດີເປັນເອກະພາບ ທາງອົງການ ອະນາໄໂລກ ຈະໄດ້ນຳເອົາເປັນວຽກບູລິມາສິດໜຶ່ງ ເພື່ອປຶກສາຫາລື ຊອກວິທີແກ້ໄຂ ແລະ ໃຫ້ການຊ່ວຍເຫຼືອ. ສຳລັບວຽກງານຕິດຕາມການຊົມໃຊ້ຢາຕ້ານເຊື້ອ: ຄວນມີການອົບຮົມຄືນໃຫ້ ພະນັກງານຂັ້ນແຂວງ, ອົບຮົມໃຫ້ ຂັ້ນເມືອງ ແລະ ສຸກສາລາ ທີ່ຍັງບໍ່ທັນມີການຈັດຕັ້ງປະຕິບັດ;ເຫັນດີເປັນເອກະພາບຕໍ່ກັບການເຮັດວຽກຮ່ວມກັນ ລະຫວ່າງ AMC+AMU+AMR;ທາງອົງການອະນໂລກ ຈະສືບຕໍ່ໃຫ້ການສະໜັບສະໜູນ ການຈັດຕັ້ງປະຕິບັດ ວຽກງານຕິດຕາມ ການຊົມໃຊ້ຢາຕ້ານເຊື້ອ ໃຫ້ໄດ້ຮັບປະສິດທິຜົນເປັນຢ່າງດີ.ທາງອົງການອະນໄມໂລກ ຈະໄດ້ປະສານງານນຳ ກົມອາຫານ ແລະ ຢາ ເພື່ອສືບຕໍ່ໃຫ້ການສະໜັບສະໜູນໃນວຽກງານອາຫານ ແລະ ຢາ ໃຫ້ໄດ້ຮັບການຈັດຕັ້ງປະຕິບັດໄປຕາມແຜນຍຸດທະສາດທີ່ວາງໄວ້.

ສຸດທ້າຍ ທ່ານປະທານໄດ້ມີຄຳເຫັນຕໍ່ກອງປະຊຸມທ່ານໄດ້ຍົກໃຫ້ເຫັນຄວາມສຳຄັນໃນ 02 ໜ້າວຽກຄື: 1. ວຽກງານຄຸ້ມຄອງການຢາໂຮງໝໍ ທີ່ດີ ກຳນົດແຜນກິດຈະກຳທີ່ເປັນບູລິດມະສິດ ໂດຍອີງໃສ່ທິດທາງ ແລະ ແຜນການ ປີ 2024-2025 ແລະ ແຜນພັດທະນາຍຸດທະສາດການຢາໂຮງໝໍ 2021-2030 ເປັນບ່ອນອີງໃນການຈັດຕັ້ງປະຕິບັດ; ພັດທະນາວຽກງານການຢາໂຮງໝໍ ຮັບປະກັນການມີຢາ ແລະ ຜະລິດຕະພັນການແພດ, ຮັບປະກັນ ຄຸນນະພາບ ແລະ ຄວາມປອດໄພ; ສືບຕໍ່ຂະຫຍາຍການຈັດຕັ້ງປະຕິບັດການຄຸ້ມຄອງການຢາໂຮງໝໍທີ່ດີ ໃນຂັ້ນໂຮງໝໍສູນກາງ ແລະ ແຂວງ ເປັກຫຼັກເພື່ອເປັນແບບຢ່າງໃຫ້ຂັ້ນເມືອງ; ປະຕິບັດ ຄຣີນິກຄອນຟາກມາຊີ ແມ່ນຈັດຕັ້ງປະຕິບັດໃນຂັ້ນໂຮງໝໍສູນກາງ ແລະ ຂັ້ນແຂວງ ໄປພ້ອມກັນ; ພັດທະນາໂຄງລ່າງພື້ນຖານ ຂອງການຢາໂຮງໝໍ ໃຫ້ໄດ້ຕາມມາດຕະຖານ; ສົ່ງເສີມການນຳໃຊ້ຢາພື້ນເມືອງສົມທົບຢາຫຼວງ ເຂົ້າໃນການປິ່ນປົວທີ່ເປັນຮູບປະທຳ;ສືບຕໍ່ນຳໃຊ້ລະບົບ mSupply, Excel sheet ແລະ DHIS2 ໃນວຽກງານຄຸ້ມຄອງຢາ ແລະ ຜະລິດຕະພັນການແພດ; 2. ວຽກງານຕິດຕາມ ການຊົມໃຊ້ຢາຕ້ານເຊື້ອ ເພີ້ມທະວີ ການຕິດຕາມການຊົມໃຊ້ຢາຕ້ານເຊື້ອໃນໂຮງໝໍພາກລັດ, ໂຮງໝໍເອກະຊົນ ແລະ ຮ້ານຂາຍຢາ ພ້ອມທັງຕິດຕາມ ການນໍາເຂົ້າໃນແຕ່ລະຄັ້ງ;ສົ່ງເສີມການນໍາໃຊ້ຢາຕ້ານເຊື້ອໃຫ້ສົມເຫດສົມຜົນ ໄປຕາມຄູ່ມືປິ່ນປົວເອກະພາບແຫ່ງຊາດ, ຄູ່ມືການນໍາໃຊ້ຢາຕ້ານເຊື້ອ, ຄູ່ມືນຳໃຊ້ຢາ ແລະ ບັນຊີຢາຈຳເປັນພື້ນຖານແຫ່ງຊາດເປັນຫຼັກ;ອົບຮົມຄືນໃຫ້ ພະນັກງານຂັ້ນແຂວງ, ອົບຮົມໃຫ້ ຂັ້ນເມືອງ ແລະ ສຸກສາລາ ທີ່ຍັງບໍ່ທັນມີການຈັດຕັ້ງປະຕິບັດ;ເຫັນດີເປັນເອກະພາບຕໍ່ກັບການເຮັດວຽກຮ່ວມກັນ ລະຫວ່າງ AMC+AMU+AMR;ສ້າງຄູ່ມືການນຳໃຊ້ຢາຕ້ານເຊື້ອໃນໂຮງໝໍຂອງຕົນ ໂດຍອີງໃສ່ບັນຊີຢາຈໍາເປັນພື້ນຖານແຫ່ງຊາດ ເປັນຫຼັກ;ເພີ້ມຂອດການປະສານງານນຳພາກສ່ວນ ແລະ ຂະແໜງການກ່ຽວຂ້ອງ ສຳລັບການນຳໃຊ້ຢາຕ້ານເຊື້ອ;ເຊື່ອມຈອດ ຂໍ້ມູນວຽກງານການຊົມໃຊ້ຢາຕ້ານເຊື້ອ ໃຫ້ບັນດາແຂວງ ສາມາດເຂົ້າເຖິງ ແລະ ເປັນບ່ອນອີງໃນການຈັດຕັ້ງປະຕິບັດເປັນແຕ່ລະໄລຍະ;