ອົບຮົມຄືນຄູຝຶກກ່ຽວກັບວິທີການເຜີຍແຜ່ຂໍ້ມູນຂ່າວສານຕ້ານການດື້ຕໍ່ຢາປົວໄຂ້ຍຸງ
ບົດຂ່າວໂດຍ: ດຣ. ກອງມະນີ ນາມມະວົງມີໄຊ
ກົມອາຫານ ແລະ ຢາຮ່ວມກັບພະແນກສາທາລະນະສຸກແຂວງສະຫວັນນະເຂດ ໄດ້ເປີດຊຸດອົບຮົມຄູຝຶກໃຫ້ພະນັກງານສາທາລະນະສຸກຂັ້ນແຂວງ ແລະ ເມືອງກຽວກັບວິທີການເຜີຍແຜ່ຂໍ້ມູນຂ່າວສານຕ້ານການດື້ຕໍ່ຢາປິ່ນປົວໄຂ້ຍຸງຢູ່ແຂວງສະຫວັນນະເຂດ, ໃນລະຫວ່າງວັນທີ 15-17/8/2017 ໂດຍການເປັນປະທານຮ່ວມຂອງທ່ານ ດຣ. ຈັນດອນ ມະນີພູໃສ ຮອງຫົວໜ້າພະແນກສາທາລະນະສຸກແຂວງສະຫວັນນະເຂດ, ທ່ານ ນໍເລດ ວົງຄໍາບູ່ ຫົວໜ້າຂະແໜງອາຫານ ແລະ ຢາແຂວງສະຫວັນນະເຂດ ແລະ ທ່ານ ນ. ກອງມະນີ ນາມມະວົງມີໄຊ ຮອງຫົວໜ້າພະແນກຂ່າວສານ ກົມອາຫານ ແລະ ຢາ, ມີຜູ້ເຂົ້າຮ່ວມອົບຮົມທັງໝົດ 45 ທ່ານເປັນຍິງ 17 ທ່ານ ທີ່ມາຈາກ 02 ແຂວງຄື: ແຂວງສະຫວັນນະເຂດ 33 ທ່ານ ທີ່ມາຈາກຂະແໜງອາຫານ ແລະ ຢາແຂວງ, ຂະແໜງໄຂ້ຍຸງ-ແມ່ກາຟາກ ແລະ ແມງໄມ້, ຂະແໜງສຸຂະສຶກສາ, ແພດຈາກໂຮງໝໍທະຫານ ແລະ ຂັ້ນເມືອງແມ່ນ ຫົວໜ້າ ຫຼື ຮອງຫ້ອງການສາລະນະສຸກເມືອງ ແລະ ອາຫານ ແລະ ຢາເມືອງ 15 ເມືອງ ( ເມືອງອາດສະພັງທອງ, ພິນ, ເຊໂປນ, ທ່າປາງທອງ, ພະລານໄຊ, ຄັນທະບູລີ, ອຸທຸມພອນ, ນອງ, ສອງຄອນ, ຈຳພອນ, ຊົນບູລີ, ໄຊບູລີ, ວິລະບູລີ, ອາດສະພອນ ແລະ ເມືອງ ໄຊພູທອງ), ຈາກແຂວງສາລະວັນ 12 ທ່ານ ທ່ານ ທີ່ມາຈາກຂະແໜງອາຫານ ແລະ ຢາແຂວງ, ຂະແໜງໄຂ້ຍຸງ-ແມ່ກາຟາກ ແລະ ແມງໄມ້, ຂະແໜງສຸຂະສຶກສາ, ແພດຈາກໂຮງໝໍທະຫານ ແລະ ຂັ້ນເມືອງແມ່ນ ຫົວໜ້າ ຫຼື ຮອງຫ້ອງການສາລະນະສຸກເມືອງ ແລະ ອາຫານ ແລະ ຢາເມືອງ 03 ເມືອງ ( ເມືອງສາລະວັນ, ຕະໂອຍ ແລະ ເມືອງຕຸ້ມລານ) ໂດຍການສະໜັບສະໜູນຂອງໂຄງການ NFM ພາຍໃຕ້ GF.
ຈຸດປະສົງການອົບຮົມແມ່ນເພື່ອ: ໃຫ້ຜູ້ເຂົ້າຮ່ວມອົບຮົມມີຄວາມຮູ້ກ່ຽວກັບການດື້ຕໍ່ຢາປິ່ນປົວໄຂ້ຍຸງ, ຢາປອມ, ຢາຕົກມາດຕະຖານ ແລະ ການນໍາໃຊ້ຢາປິ່ນປົວໄຂ້ຍຸງທີ່ສົມເຫດ ສົມຜົນພ້ອມດ້ວຍສາເຫດ ແລະ ວິທີແກ້ໄຂ; ສາມາດນໍາໄປເຜີຍແຜ່ໃຫ້ບັນດາແພດໝໍ, ຜູ້ຈໜ່າຍຢາ, ທະຫານທີ່ປະຕິບັດໜາທີ່ ແລະ ປະຊາຊົນໄດ້ຮັບຮູ້ຂໍ້ມູນຂ່າວສານ ແລະ ມີສະຕິໃນການນຳໃຊ້ຢາປິ່ນປົວໄຂ້ຍຸງ ແລະ ເພື່ອເຮັດໃຫ້ມີການນຳໃຊ້ຢາປົວໄຂ້ຍຸງຢ່າງສົມເຫດ ສົມຜົນ ແລະ ມີປະສິດທິພາບໃນການປິ່ນປົວເພື່ອຫຼີກລ້ຽງການດື້ຕໍ່ຢາຂອງເຊື້ອໄຂ້ຍຸງ.
![](/userfiles/images/IEC2(1).JPG)
|