ກອງປະຊຸມປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ
ປະກາດວັນທີ: 16/02/2023 | ຜູ້ປະກາດ: Xiong
ໃນວັນທີ 10 ກຸມພາ 2023 ກົມອາຫານ ແລະ ຢາ ໄດ້ເປີດກອງປະຊຸມປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ ໂດຍການເປັນປະທານຂອງທ່ານ ປອ.ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ເຊິ່ງກອງປະຊຸມດັ່ງກ່າວມີເພສັດຊະກອນຈາກພາກລັດ ແລະ ຕາງໜ້າຈາກຜູ້ດຳເນີນທຸລະກິດ ໃຫ້ກຽດເຂົ້າຮ່ວມ: ພະນັກງານບຳນານອາວຸໂສ, ຫ້ອງການກະຊວງສາທາລະນະສຸກ, ຄະນະເພສັຊສາດ (ມວສ), ສະຖາບັນການແພດ ແລະ ການຢາພື້ນເມືອງພ້ອມ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ, ໂຮງໝໍສູນກາງ, ຜູ້ຕາງໜ້າຈາກໂຮງງານຜະລິດ ແລະ ບໍລິສັດຂາເຂົ້າ-ຂາອອກດ້ານຢາ, ຫົວໜ້າ/ຮອງພະແນກຈາກກົມອາຫານ ແລະ ຢາ ລວມທັງໝົດ 32 ທ່ານ.
| ຂຽນໂດຍ: ກິລ່າ ບຸນປະເສີດ |
| ໃນວັນທີ 10 ກຸມພາ 2023 ກົມອາຫານ ແລະ ຢາ ໄດ້ເປີດກອງປະຊຸມປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ ໂດຍການເປັນປະທານຂອງທ່ານ ປອ.ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ເຊິ່ງກອງປະຊຸມດັ່ງກ່າວມີເພສັດຊະກອນຈາກພາກລັດ ແລະ ຕາງໜ້າຈາກຜູ້ດຳເນີນທຸລະກິດ ໃຫ້ກຽດເຂົ້າຮ່ວມ: ພະນັກງານບຳນານອາວຸໂສ, ຫ້ອງການກະຊວງສາທາລະນະສຸກ, ຄະນະເພສັຊສາດ (ມວສ), ສະຖາບັນການແພດ ແລະ ການຢາພື້ນເມືອງພ້ອມ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ, ໂຮງໝໍສູນກາງ, ຜູ້ຕາງໜ້າຈາກໂຮງງານຜະລິດ ແລະ ບໍລິສັດຂາເຂົ້າ-ຂາອອກດ້ານຢາ, ຫົວໜ້າ/ຮອງພະແນກຈາກກົມອາຫານ ແລະ ຢາ ລວມທັງໝົດ 32 ທ່ານ. |
 |
|
ຈຸດປະສົງຂອງກອງປະຊຸມ ແມ່ນເພື່ອປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ, ແລະ ຄັດເລືອກຄະນະຂົນຂວາຍດ້ວຍຮູບແບບອາສາສະໝັກ. ຊຶ່ງໃນທີ່ປະຊຸມແມ່ນໄດ້ສະເໜີກ່ຽວກັບປະຫວັດຄວາມເປັນມາຂອງເພສັດຊະກອນ ແລະ , ຂັ້ນຕອນໃນການສ້າງຕັ້ງສະມາຄົມເພສັດຊະກອນ. ພາຍຫຼັງການປຶກສາຫາລື ໃນກອງປະຊຸມຄັ້ງນີ້ ມີຜູ້ສະໝັກເຂົ້າເປັນຄະນະຂົນຂວາຍຂອງສະມາຄົມເພສັດຊະກອນ ທັງໝົດ 08 ທ່ານ ໃນນັ້ນ ມີທັງພະນັກງານອາວຸໂສບຳນານ, ພະນັກງານສັງກັດລັດ ແລະ ຜູ້ດຳເນີນທຸລະກິດດ້ານຢາ ແລະ ຜະລິດຕະພັນການແພດ ຫຼັງຈາກນັ້ນ ກົມອາຫານ ແລະ ຢາຈະສະເໜີຂໍການແຕ່ງຕັ້ງຄະນະດັ່ງກ່າວພ້ອມທັງຄະນະຊີ້ນຳ ແລະ ກອງເລຂາເພື່ອຊ່ວຍວຽກໃນການກະກຽມສະມສຄົມເພສັດຊະກອນລາວໃນຕໍ່ໜ້າ. |
 |