ກອງປະຊຸມຜ່ານຮ່າງປັບປຸງບັນຊີຢາຈຳເປັນຂັ້ນພື້ນຖານແຫ່ງຊາດ ສະບັບທີ IX
ປະກາດວັນທີ: 11/09/2023 | ຜູ້ປະກາດ: Xiong
ວັນທີ 8 ສິງຫາ 2023 ກົມອາຫານ ແລະ ຢາ ໄດ້ຈັດກອງປະຊຸມຜ່ານຮ່າງປັບປຸງບັນຊີຢາຈຳເປັນຂັ້ນພື້ນຖານແຫ່ງຊາດ ສະບັບທີ 9 ຢູ່ທີ່ຕຶກກະຊວງສາທາລະນະສຸກຕຶກເກົ່າ. ໂດຍການເປັນປະທານຂອງ ທ່ານ ປອ. ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ. ເຂົ້າຮ່ວມກອງປະຊຸມໃນຄັ້ງນີ້ມີພາກສ່ວນ ກົມປິ່ນປົວ ແລະ ຟື້ນຟູໜ້າທີ່ການ, ຫ້າໂຮງໝໍສຸນກາງ, ມະຫາວິທະຍາໄລວິທະຍາສາດສຸຂະພາບ, ຫ້ອງການປະກັນສຸຂະພາບ, ແພດຊ່ຽວຊານ, ຫົວໜ້າພະແນກ ແລະ ວິຊາການພາຍໃນກົມອາຫານ ແລະຢາ ເຂົ້້າຮ່ວມ 25 ທ່ານ.
| ນຳສະເໜີຂ່າວໂດຍ: ກິລ່າ ບຸນປະເສີດ ພະແນກຄຸ້ມຄອງໂຄສະນາ ແລະ ຂ່າວສານ |
| ວັນທີ 8 ສິງຫາ 2023 ກົມອາຫານ ແລະ ຢາ ໄດ້ຈັດກອງປະຊຸມຜ່ານຮ່າງປັບປຸງບັນຊີຢາຈຳເປັນຂັ້ນພື້ນຖານແຫ່ງຊາດ ສະບັບທີ 9 ຢູ່ທີ່ຕຶກກະຊວງສາທາລະນະສຸກຕຶກເກົ່າ. ໂດຍການເປັນປະທານຂອງ ທ່ານ ປອ. ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ. ເຂົ້າຮ່ວມກອງປະຊຸມໃນຄັ້ງນີ້ມີພາກສ່ວນ ກົມປິ່ນປົວ ແລະ ຟື້ນຟູໜ້າທີ່ການ, ຫ້າໂຮງໝໍສຸນກາງ, ມະຫາວິທະຍາໄລວິທະຍາສາດສຸຂະພາບ, ຫ້ອງການປະກັນສຸຂະພາບ, ແພດຊ່ຽວຊານ, ຫົວໜ້າພະແນກ ແລະ ວິຊາການພາຍໃນກົມອາຫານ ແລະຢາ ເຂົ້້າຮ່ວມ 25 ທ່ານ. |
 |
|
ກອງປະຊຸມໃນຄັ້ງນີ້ແມ່ນ ຜ່ານບັນດາລາຍການຢາໃນບັນຊີຢາຈຳເປັນຂັ້ນພື້ນຖານແຫ່ງຊາດສະບັບທີ 9 ແຕ່ ໝວດທີ 1 ຫາ ໝວດທີ 5 ແລະ ໝວດທີ 7. ໃນກອງປະຊຸມໄດ້ປຶກສາຫາລືກ່ຽວກັບການສະເໜີເພີ້ມລາຍການຢາ ແລະ ຕັດບາງລາຍການທີ່ບໍ່ໄດ້ນຳໃຊ້ມາດົນແລ້ວ ຂອງບາງໂຮງໝໍຂັ້ນແຂວງ ແລະ ສູນກາງ. ການປຶກສາຫາລື ແລະ ຄົ້ນຄ້ວາບັນດາລາຍການຢາ ແມ່ນອີງໃສ່ປະສິດທິພາບ, ຄວາມປອດໄພ, ເປັນຢາດ່ຽວທີ່ມີຊື່ເອກະພາບສາກົນ ແລະ ສະພາບການເປັນພະຍາດ ເປັນຕົ້ນ ເພື່ອບັນຈຸໃສ່ບັນຊີຢາຈຳເປັນຂັ້ນພື້ນຖານ ໃນສະບັບທີ 10 , ສ່ວນໝວດອື່ນໆ ຈະໄດ້ເຊີນແພດຊ່ຽວຊານທີ່ກ່ຽວຂ້ອງມາປຶກສາຫາລື ແລະ ຜ່ານບັນຊີລາຍການຢາອີກໃນຄັ້ງຕໍ່ໄປ, ຊຶ່ງບັນຊີຢາຈໍາເປັນພື້ນຖານແຫ່ງຊາດ ແມ່ນໄດ້ປັບປຸງລາຍການຢາ ໃນທຸກ 3-4 ປີ ເພື່ອໃຫ້ແທດເໝາະກັບສະພາບການນໍາໃຊ້ຢາໃນແຕ່ໄລຍະ. ທ່ານປະທານມີຄຳເຫັນຕໍ່ກອງປະຊຸມ ແລະ ໄດ້ກ່າວຊົມເຊີຍບັນດາທ່ານທີ່ສຸ່ມແນວຄວາມຄິດ ປະກອບຄໍາຄິດຄໍາເຫັນເຫັນໃສ່ໃນປື້ມບັນຊີຢາພື້ນຖານແຫ່ງຊາດ ໂດຍໄດ້ມີການຮັກສາຢາຈຳເປັນພື້ນຖານຈຳນວນໜື່ງໄວ້ເພື່ອເປັນບ່ອນອີງໃນການນຳໃຊ້ ແລະ ໄດ້ພິຈາລະນາຢາໃໝ່ຈຳນວນໜື່ງໃສ່ໃນບັນຊີນີ້ເພື່ອໃຫ້ແທດເໝາະກັບການນຳໃຊ້ປີ່ນປົວຕົວຈິງ ແລະ ທ່ານຍັງໄດ້ຟາກໃຫ້ແຕ່ລະພາກສ່ວນນຳເອົາເນື້ອໃນກອງປະຊຸມໃນຄັ້ງນີ້ໄປປຶກສານຳແພດຜູ້ຊ່ຽວຊານຕື່ມກ່ຽວກັບຜົນການນຳໃຊ້ຢາແຕ່ລະຊະນິດ. |