ກອງປະຊຸມເຜີຍແຜ່ແຜນຍຸດທະສາດຂອງການພັດທະນາ ວຽກງານການຢາໂຮງໝໍ 2021-2030 ຮັບຮອງ ຮ່າງມາດຕະຖານການຢາໂຮງໝໍ, ຮ່າງຄຳແນະນຳກ່ຽວກັບການຈັດຕັ້ງປະຕິບັດ ສັນຍາຈັດຊື້ຮ່ວມກັນ ປີ 2023 ແລະ ຮ່າງໃບສັ່ງຊື້
ປະກາດວັນທີ: 11/09/2023 | ຜູ້ປະກາດ: Xiong
ໃນວັນທີ 16-18 ສິງຫາ 2023 ກົມອາຫານ ແລະ ຢາ ໄດ້ຈັດກອງປະຊຸມເຜີຍແຜ່ແຜນຍຸດທະສາດຂອງການພັດທະນາ ວຽກງານການຢາໂຮງໝໍ 2021-2030 ຮັບຮອງຮ່າງມາດຕະຖານການຢາໂຮງໝໍ, ຮ່າງຄຳແນະນຳກ່ຽວກັບການປະຕິບັດສັນຍາຈັດຊື້ຮ່ວມກັນ ປີ 2023 ແລະ ຮ່າງໃບສັ່ງຊື້. ໂດຍການເປັນປະທານຂອງ ທ່ານ ປອ. ດຣ ສຸລິສັກ ສຸນວໍລະວົງ ຮອງຫົວໜ້າກົມອາຫານ ແລະ ຢາ, ເຊິ່ງມີຜູ້ເຂົ້າຮ່ວມຕາງໜ້າຈາກຫ້ອງການກະຊວງສາທາລະນະສຸກ, ກົມປີ່ນປົວ ແລະ ຟື້ນຟູໜ້າທີ່ການ, ກົມຈັດຕັ້ງ-ພະນັກງານ, ຄະນະເພສັດສາດ, 05 ໂຮງໝໍສູນກາງ, ໂຮງໝໍແຂວງຈາກ 10 ແຂວງເຂົ້າຮ່ວມມີ ແຂວງວຽງຈັນ, ແຂວງບໍລິຄຳໄຊ, ແຂວງຄຳມ່ວນ, ແຂວງສະຫວັນນະເຂດ, ແຂວງຊຽງຂວາງ, ແຂວງຫຼວງພະບາງ, ແຂວງໄຊຍະບູລີ, ສາລະວັນ ແລະ ແຂວງຈຳປາສັກ, ພ້ອມດ້ວຍພະນັກງານຈາກກົມອາຫານ ແລະ ຢາ ແລະ ຊ່ຽວຊານພາລະທິການເຂົ້າຮ່ວມທັງໝົດ 72 ທ່ານ.
| ນຳສະເໜີຂ່າວໂດຍ: ກິລ່າ ບຸນປະເສີດ ພະແນກຄຸ້ມຄອງໂຄສະນາຂ່າວສານ, ກົມອາຫານ ແລະ ຢາ |
| ໃນວັນທີ 16-18 ສິງຫາ 2023 ກົມອາຫານ ແລະ ຢາ ໄດ້ຈັດກອງປະຊຸມເຜີຍແຜ່ແຜນຍຸດທະສາດຂອງການພັດທະນາ ວຽກງານການຢາໂຮງໝໍ 2021-2030 ຮັບຮອງຮ່າງມາດຕະຖານການຢາໂຮງໝໍ, ຮ່າງຄຳແນະນຳກ່ຽວກັບການປະຕິບັດສັນຍາຈັດຊື້ຮ່ວມກັນ ປີ 2023 ແລະ ຮ່າງໃບສັ່ງຊື້. ໂດຍການເປັນປະທານຂອງ ທ່ານ ປອ. ດຣ ສຸລິສັກ ສຸນວໍລະວົງ ຮອງຫົວໜ້າກົມອາຫານ ແລະ ຢາ, ເຊິ່ງມີຜູ້ເຂົ້າຮ່ວມຕາງໜ້າຈາກຫ້ອງການກະຊວງສາທາລະນະສຸກ, ກົມປີ່ນປົວ ແລະ ຟື້ນຟູໜ້າທີ່ການ, ກົມຈັດຕັ້ງ-ພະນັກງານ, ຄະນະເພສັດສາດ, 05 ໂຮງໝໍສູນກາງ, ໂຮງໝໍແຂວງຈາກ 10 ແຂວງເຂົ້າຮ່ວມມີ ແຂວງວຽງຈັນ, ແຂວງບໍລິຄຳໄຊ, ແຂວງຄຳມ່ວນ, ແຂວງສະຫວັນນະເຂດ, ແຂວງຊຽງຂວາງ, ແຂວງຫຼວງພະບາງ, ແຂວງໄຊຍະບູລີ, ສາລະວັນ ແລະ ແຂວງຈຳປາສັກ, ພ້ອມດ້ວຍພະນັກງານຈາກກົມອາຫານ ແລະ ຢາ ແລະ ຊ່ຽວຊານພາລະທິການເຂົ້າຮ່ວມທັງໝົດ 72 ທ່ານ. |
 |
|
ຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອເຜີຍແຜ່ແຜນຍຸດທະສາດຂອງການພັດທະນາວຽກງານການຢາໂຮງໝໍ 2021-2030, ເພື່ອປຶກສາຫາລື ແລະ ຮັບຮອງຮ່າງມາດຕະຖານການຂອງຢາໂຮງໝໍ, ເພື່ອປຶກສາຫາລື ແລະ ວາງແຜນຈັດຕັ້ງປະຕິບັດໃນຕໍ່ໜ້າ ຂອງແຕ່ລະໜ້າວຽກ. ໃນກອງປະຊຸມໄດ້ມີການສະເໜີ ແລກປ່ຽນ ປັບປຸງການປະຕິບັດວຽກງານໃຫ້ເປັນໄປຕາມຕາມພາລະບົດບາດຂອງເພສັດຊະກອນຢູ່ໂຮງໝໍ. ໄດ້ແບ່ງກຸ່ມເພື່ອສົນທະນາ ແລະ ເອົາໃຈໃສ່ປະກອບຄຳຄິດຄຳເຫັນໃສ່ຮ່າງມາດຕະຖານການຢາໂຮງໝໍ, ປຶກສາຫາລື ແລະ ໄດ້ສົນທະນາ ປະກອບຄຳເຫັນໃສ່ຮ່າງຄໍາແນະນໍາກ່ຽວກັບການຈັດຕັ້ງປະຕິບັດສັນຍາຈັດຊື້ຮ່ວມກັນຂອງປີ 2023 ແລະ ຮ່າງໃບສັ່ງຊື້ ພ້ອມທັງປຶກສາຫາລືກັນເພື່ອກະກຽມການຈັດຊື້ຢາໃນປີຕໍ່ໄປ. ຈາກນັ້ນທ່ານປະທານໄດ້ມີຄຳເຫັນຕໍ່ກອງປະຊຸມ ເຫັນວ່າໃນກອງປະຊຸມໄດ້ມີການຄົ້ນຄວ້າຮ່ວມກັນສຳເລັດຫຼາຍດ້ານໂດຍສະເພາະແມ່ນວຽກງານການຄົ້ນຄວ້າວິທະຍາສາດການຢາໂຮງໝໍ ແລະ ໄດ້ຄົ້ນຄວ້າແກ້ໄຂບັນຫາຂອງການຢາໂຮງໝໍໄດ້ຫຼາຍພໍສົມຄວນ, ໄດ້ປຶກສາຫາລື ປະກອບຄຳຄິດເຫັນໃສ່ວຽກງານຈັດຊື້ຢາ ແລະ ບັນຫາຕ່າງໆທີ່ມີຜົນກະທົບຕໍ່ການດຳເນີນງານໃນປະຈຸບັນ. |