ອົບຮົມການກວດກາການຜະລິດທີ່ດີ
ປະກາດວັນທີ: 18/10/2023 | ຜູ້ປະກາດ: Xiong T
ປັບປຸງວັນທີ: 18/10/2023 | ຜູ້ປັບປຸງ: Xiong T
ການຝຶກອົບຮົມ ກ່ຽວກັບການກວດກາການຜະລິດທີດີ ໃຫ້ແກ່ພະນັກງານກວດກາ GMP ຂອງກະຊວງສາທາລະນະສຸກ ໄດ້ຈັດຂຶ້ນ ລະຫວ່າງວັນທີ 16-27 ຕຸລາ 2023 ທີ່ໂຮງແຮມ ລາວ ພລາຊາ ນະຄອນຫຼວງວຽງຈັນ ໂດຍການສະໜັບສະໜູນ ຈາກອົງການອະນາໄມໂລກ.
|
ບົດຂ່າວ: ປທ. ພກ. ກົງຈັກ ພົມມະຈັກ ການຝຶກອົບຮົມ ກ່ຽວກັບການກວດກາ GMP ໂຮງງານຜະລິດຢາ ໃຫ້ແກ່ ພະນັກງານ ກວດກາ GMP ຂອງກະຊວງສາທາລະນະສຸກ ໄດ້ຈັດຂຶ້ນ ລະຫວ່າງວັນທີ 16-27 ຕຸລາ 2023 ທີ່ໂຮງແຮມ ລາວ ພລາຊາ ນະຄອນຫຼວງວຽງຈັນ ໂດຍການສະໜັບສະໜູນ ຈາກອົງການອະນາໄມໂລກ. ໃນຊຸດອົບຮົມຄັ້ງນີ້ ໄດ້ ມີ ທ່ານ Luis Soares ຜູ້ຊ່ຽວຊານ ດ້ານ GMP ຈາກປະເທດ ປ໋ອກຕຸຍການ ໃຫ້ການອົບຮົມ ໃຫ້ແກ່ເຈົ້າໜ້າທີ່ກວດກາ ໂຮງງານຜະລິດຢາຂອງຂັ້ນສູນກາງ ຈໍານວນ 16 ທ່ານ ທີ່ມາຈາກ ກົມອາຫານ ແລະ ຢາ, ກອງກວດກາອາຫານ ແລະ ຢາ ແລະ ສູນວິໃຈອາຫານ ແລະ ຢາ ແລະ ສະຖາບັນການແພດການຢາພື້ນເມືອງ. ການອົບຮົມຄັ້ງນີ້ ມີຄວາມສໍາຄັນຫຼາຍ ສໍາລັບພະນັກງານກວດກາ ເຊິ່ງແມ່ນ ສະມາຊິກຂອງຄະນະກໍາມະການການກວດກາການຜະລິດທີ່ດີ (ຄະນະກວດກາ ຈີເອມພີ ຂອງກະຊວງສາທາລະນະສຸກ) ທີ່ຈະໄດ້ຮຽນຮູ້ ເພີ້ມຕື່ມ ທັງດ້ານທິດສະດີ ແລະ ການປະຕິບັດຕົວຈິງ ໃນການກວດກາໂຮງງານ ຢ່າງມີປະສິດທິພາບ ໂດຍສະເພາະພາລະບົດບາດຂອງນັກກວດກາ, ການວາງແຜນການກວດກາໂດຍອີງໃສ່ຫຼັກການບໍລິຫານຄວາມສ່ຽງ, ການດໍາເນີນການກວດກາ, ການຂຽນບົດລາຍງານຜົນຂອງການກວດກາ ແລະ ການຕິດຕາມຫຼັງຈາກການກວດກາ ແລະ ອື່ນໆ. |
