ກອງປະຊຸມຄົບຄະນະຂອງຄະນະກຳມະການວິຊາຊີບເພສັຊກັມ
ປະກາດວັນທີ: 27/12/2023
ປັບປຸງວັນທີ: 19/01/2024 | ຜູ້ປັບປຸງ: Xiong
ໃນຕອນເຊົ້າຂອງວັນທີ 21 ທັນວາ 2023 ໄດ້ມີການຈັດກອງປະຊຸມຄົບຄະນະກຳມະການວິຊາຊີບເພສັຊກັມ. ໂດຍການເປັນປະທານຂອງ ທ່ານ ອາຈານຖະໜອມ ອິນສານ ຫົວໜ້າຄະນະກຳມະການວິຊາຊີບເພສັຊກັມ ເຂົ້າຮ່ວມກອງປະຊຸມໃນຄັ້ງນີ້ມີ ທ່ານ ຮອງສາດສະດາຈານ ດຣ ອຸທິບ ສູນທະວົງ ຮອງຄະນະກຳມະການວິຊາຊີບເພສັຊກັມ ທ່ານ ດຣ ສີວົງ ແສງອາລຸນເດດ ຄະນະກຳມະການວິຊາຊີບເພສັຊກັມ, ຄະນະ ແລະ ກອງເລຂາກອງປະຊຸມຈາກ ກົມອາຫານ ແລະ ຢາ, ກອງກວດກາອາຫານ ແລະ ຢາ, ມະຫາວິທະນາໄລວິທະຍາສາດສຸຂະພາບ ເຊິ່ງກອງປະຊຸມໄດ້ຈັດຢູ່ຫ້ອງປະຊຸມສະພາວິຊາຊີບປິ່ນປົວ ແລະ ເຂົ້າຮ່ວມກອງປະຊຸມທາງໄກຜ່ານລະບົບ Zoom ລວມທັງໝົດ 13 ທ່ານ.
| ນຳສະເໜີຂ່າວໂດຍ: ກິລ່າ ບຸນປະເສີດ ພະແນກຄຸ້ມຄອງໂຄສະນາຂ່າວສານ ກົມອາຫານ ແລະ ຢາ | |
| ໃນຕອນເຊົ້າຂອງວັນທີ 21 ທັນວາ 2023 ໄດ້ມີການຈັດກອງປະຊຸມຄົບຄະນະກຳມະການວິຊາຊີບເພສັຊກັມ. ໂດຍການເປັນປະທານຂອງ ທ່ານ ອາຈານຖະໜອມ ອິນສານ ຫົວໜ້າຄະນະກຳມະການວິຊາຊີບເພສັຊກັມ ເຂົ້າຮ່ວມກອງປະຊຸມໃນຄັ້ງນີ້ມີ ທ່ານ ຮອງສາດສະດາຈານ ດຣ ອຸທິບ ສູນທະວົງ ຮອງຄະນະກຳມະການວິຊາຊີບເພສັຊກັມ ທ່ານ ດຣ ສີວົງ ແສງອາລຸນເດດ ຄະນະກຳມະການວິຊາຊີບເພສັຊກັມ, ຄະນະ ແລະ ກອງເລຂາກອງປະຊຸມຈາກ ກົມອາຫານ ແລະ ຢາ, ກອງກວດກາອາຫານ ແລະ ຢາ, ມະຫາວິທະນາໄລວິທະຍາສາດສຸຂະພາບ ເຊິ່ງກອງປະຊຸມໄດ້ຈັດຢູ່ຫ້ອງປະຊຸມສະພາວິຊາຊີບປິ່ນປົວ ແລະ ເຂົ້າຮ່ວມກອງປະຊຸມທາງໄກຜ່ານລະບົບ Zoom ລວມທັງໝົດ 13 ທ່ານ. | |
 |
 |
| ຈຸດປະສົງຂອງກອງປະຊຸມ ເພື່ອສະຫຼຸບວຽກງານປີ 2023 ແລະ ທິດທາງໃນປີ 2024, ພ້ອມນັ້ນກໍ່ຜ່ານ ແລະ ຮັບຮອງສອງເອກະສານສຳຄັນຄືຂິດຄວາມສາມາດແລະຈັນຍາບັນຂອງເພສັຊກອນລາວ, ລາຍງານຄວາມຄືບໜ້າການກະກຽມອອກ ແລະ ຕໍ່ທະບຽນວິຊາຊີບສຳລັບຜູ້ທີ່ບໍ່ຕ້ອງສອບເສັງ, ການສ້າງເວບໄຊທ໌ຂອງຄະນະເພສັຊກັມໃນເວບໄຊທ໌ຂອງສະພາວິຊາຊີບປິ່ນປົວ. ຄະນະໄດ້ມີການປືກສາຫາລືກ່ຽວກັບການກະກຽມຄວາມພ້ອມຂອງການຈະອອກໃບທະບຽນວິຊາຊີບ ແລະ ສະຖານທີ່ທີ່ມີເງຶ່ອນໄຂໃນການຝຶກອົບຮົມ, ເພື່ອກະກຽມບຸກຄະລາກອນໃນການປະຕິບັດວຽກງານ ນອກຈາກນີ້ກໍແມ່ນການກະກຽມຫຼັກສູດໃນການຝຶກອົບຮົມແບບຕໍ່ເນື່ອງໃຫ້ແກ່ຜູ້ທີ່ໄດ້ຮັບໃບທະບຽນວິຊາຊີບ. ໃນກອງປະຊຸມໄດ້ມີການແລກປ່ຽນຄວາມຄິດເຫັນກັນຢ່າງເປັນເອກະພາບ. ກອງປະຊຸມໄດ້ຕົກລົງເປັນເອກະພາບກ່ຽວກັບບົດສະຫຼຸບການເຄື່ອນໄຫວວຽກງານໃນວຽກງານປີ 2023 ແລະ ແຜນການເຄື່ອນໄຫວໃນປີ 2024, ຮັບຮອງກ່ຽວກັບຂີດຄວາມສາມາຂອງເພສັຊກອນລາວ, ຮັບຮອງຈັນຍາບັນຂອງເພສັຊກອນລາວເພື່ອກະກຽມປະກາດໃຊ້ຢ່າງເປັນທາງການ. | |