ໜ່ວຍງານກວດກາອາຫານ ເຄື່ອນໄຫວ ຮັບໃຊ້ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ X ຂອງ​ພັກ​ປະຊາຊົນ​ປະຕິວັດ​ລາວ

ໂດຍ: ນາງ ກອງມະນີ ນາມມະວົງມີໄຊ, ຫົວໜ້າພະແນກຄຸ້ມຄອງຂ່າວສານ

      ໃນລະຫ່ວາງວັນທີ 11/1/2016 ເຖິງ 23/11/2016 ໜ່ວຍ​ງານ ກວດ​ຄວາມ​ປອດ​ໄພ​ຂອງ​ອາຫານໄດ້ເຄື່ອນໄຫວຮັບໃຊ້ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ X ຂອງ​ພັກ​ປະຊາຊົນ​ປະຕິວັດ​ລາວ ຊຶ່ງປະກອບມີພະນັກງານຈາກກົມ​ອາຫານ ​ແລະ ຢາ​, ​ກອງ​ກວດກາ​ອາຫານ ​ແລະ ຢາ ​ແລະ ສູນ​ວິ​ໄຈ​ອາຫານ ​ແລະ ຢາ​ ໄດ້ລົງຊຸກຍູ້​ຕິດຕາມ​ບັນດາ​ໂຮງ​ແຮມ​ທີ່​ຜູ້​ແທນ​ຈາກ​ແຂວງ​ຕ່າງ​ເຂົ້າ​ພັກ ລວມ 15 ​ໂຮງ​​ແຮມ:​ ​ໂຮງ​ແຮມ​ຄຳ​ປ່ຽນ, ​ໂກນ​ເດັນ, ​ໄຊ​ສົມບູນ, ຈະ​ເລີ​ນຮຸ່ງ, ດວງ​ປະ​ເສີດ, ​ເຈື່ອງ 2, ດວງ​ຈັນ​ຈັນ​ພຣາຊາ, ນະຄອນ​ສັກ, ​ແກ້ວ​ມີ​ໄຊ, ລື​ໄຊ, ອ່າງ​ຄຳ, ​ແສງ​ສະຫວັນ, ພູນ​ສີຣິ, ກົດ​ສະ​ໂມ ​ແລະ ​ເຮືອນ​ຮັບ​ແຂກ​ປ່າ​ພ້າວ​ຂອງ​ກອງທັບ.

          ນອກຈາກການລົງຊຸກຍູ້ບັນດາໂຮງແຮມທີ່ມີຜູ້ແທນເຂົ້າພັກແລ້ວ ໜ່ວຍງານກວດຄວາມປອດໄພຂອງອາຫານຍັງໄດ້ລົງຊຸກຍູ້ຕິດຕາມອາຫານຫວ່າງທີ່ບໍລິການຜູ້ແທນ ໃນລະຫວ່າງການເຂົ້າຮ່ວມມກອງປະຊຸມ ທີ່ຫໍປະຊຸມແຫ່ງຊາດ ແລະ ອາຫານຂອງຮ້ານອາຫານລາວ.

ເວີນທີ່ ໄດ້ຮັບໜ້າທີ່ໃນການສະໜອງ ການບໍລິການ ອາຫານໃຫ້ຜູ້ແທນໃນງານລ້ຽງຊົມເຊີຍຜົນສຳເລັດຂອງກອງປະຊຸມໃຫຍ່. ການລົງ​​ຊຸກຍູ້ຕິດຕາມຫົວໜ່ວຍທຸລະກິດໂຮງແຮມ ແລະ ຮ້ານອາຫານ​ແຕ່ລະ​ຄັ້ງ​ໄດ້​​ເກັບຕົວຢ່າງອາຫານ ເພື່ອທົດສອບຫາສານ Formalin ​ແລະ  Borax ໃນອາຫານ ແລະ ທົດ​ສອບຄວາມ​ສະອາດສິ່ງ​ຂອງພາ​ຊະນະທີ່​ສໍາຜັດ​ກັບ​ອາຫານ​ເຊັ່ນ: ຖ້ວຍ, ຈານ, ບ່ວງ, ສ້ອມ, ຂຽງ, ມີດ, ຈອກ ​ແລະ ມື, ທົດ​ສອບ​ເຊື້ອ Coliform ​ໃນນ້ຳ ​ແລະ ນໍ້າກ້ອນເປັນຕົ້ນ.

ຄະນະນໍາຂອງກົມອາຫານ ແລະ ຢາ, ສູນວິໄຈອາຫານ ແລະ  ກອງກວດກາອາຫານ ນໍາພາ ພະນັກງານປະຕິບັດໜ້າທີ່.

ທິມງານປະຕິບັດການທົດສອບຄວາມປອດໄພຂອງອາຫານ