ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະໍຊາທິປະໄຕ ເອກະພາບ ວັດທະນະຖາວອນ

===000===

ກະຊວງສາທາລະນະສຸກ

ກົມອາຫານ ແລະ ຢາ                                                                                         ເລກທີ 333/ກອຢ

                                                                                    ນະຄອນຫລວງວຽງຈັນ, ວັນທີ 22JAN 2016

ແຈ້ງການ

                       ເຖິີງ:    ພະແນກສາທາລະນະສຸກແຂວງ, ນະຄອນຫລວງ, ຂະແໜງອາຫານ ແລະ ຢາ, ເມືອງ, ຜູ້

                                    ປະກອບການທຸລະກິດຜະລິດນໍ້າດື່ມ ແລະ ຂະແໜງການອື່ນໆ ທີ່ກ່ຽວຂ້ອງ

                         ເລື່ອງ:   ແຈ້ງການກ່ຽວກັລບ ການເພີ້ມຈໍານວນ ລາຍການວິໄຈນໍ້າດື່ມ ເພື່ອຕໍ່ທະບຽນ ໃນທຸກໆ 2 ປີ

-      ອີງຕາມ  ຂໍ້ຕົກລົງ ວ່າດ້ວຍນໍ້າດື່ມ ໃນຍພາສະນະບັນຈຸປິດ ສະບັບເລກທີ 585/ກຊສ, ລົງວັນທີ                  12/05/2006 ມາດຕາ 4 ແລະ ມາດຕາ 5;

-      ອີງຕາມ  ການປ່ຽນແປງ ຂອງສະພາບແວດລ້ອມ ແລະ ການຂະຫຍາຍຕົວຂອງອຸດສາຫະກໍາ ທີ ເພີ່ມຫລາຍຂຶ້ນໃນປະຈຸບັນ;

-      ອີງຕາມ ການຄົ້ນຄ້ວາ ທາງດ້ານວິຊາການ ແລະ ການເຫັນດີ ຂອງກົມອາຫານ ແລະ ຢາ.

       ກົມອາຫານ ແລະ ຢາ ກະຊວງສາທາລະນະສຸກ ມີຄວາມຍິນດີ ແຈ້ງມາຍັງທ່ານຊາບວ່າ:  ການວິໄຈນໍ້າດື່ມ ເພື່ອຕໍ່ທະບຽນ ແມ່ນຈະໄດ້ວິໄຈ ຄົບຊຸດ ຕາມການກໍານົດໄວ້ໃນ ຂໍ້ຕົກລົງວ່າດ້ວຍ ນໍ້າດື່ມ ໃນພາຊະນະບັນຈຸປິດສະບັບເລກທີ່ 585/ກຊສ, ລົງວັນທີ 12/05/2006, ມາດຕາ 4 ແລະ ມາດຕາ 5 ເພື່ອເປັນການຕິດຕາມ ທາດເບື່ອ ໂລຫະໜັກທີີ່ອາດຈະປົນເປື້ອນມານໍາແຫລ່ງນໍ້າ ແລະ ສາມາດ ມາປົນເປື້ອນໃສ່ກັບນໍ້າດື່ມໄດ້.

          ສໍາລັບ ການວິໄຈ ແລະ ການຕິດຕາມຄຸນນະພາບ ທຸກໆ 6 ເດືອນ ແມ່ນຍັງສືບຕໍ່ວິໄຈ 3 ລາຍການ ຕາມປົກກະຕີິຄື: Coliform, Ecoli, pH.

          ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຮ່ວມມືຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.

ຫົວໜ້າກົມອາຫານ ແລະ ຢາ

ສົມທະວີ ຈາງວິສົມມິດ

ກົດນີ້ເພື່ອເບິ່ງເອກະສານເພີ້ມເຕີມ