ຊົມເຊີຍວັນປະກາດເອກະລາດ ວັນທີ 12 ຕຸລາຢ່າງສຸດໃຈ; ຊົມເຊີຍວັນຊາດທີ 2 ທັນ ວາຢ່າງສຸດໃຈ LAO ENG   
 
 
 
 
 
 
 
 
 

ສະຖິຕິການຢ້ຽມຊົມ
 ກໍາລັງຊົມເວັບໄຊທ໌ຂະນະນີ້ 45
 ມື້ນີ້ 324
 ມື້ວານນີ້ 1,543
 ເດືອນນີ້ 10,043
 ເດືອນແລ້ວນີ້ 9,831
 ປີນີ້ 138,188
 ປີກາຍນີ້ 119,600
 ທັງໝົດ 574,928
 

ຂ່າວສານ ການເຄື່ອນໄຫວ ຂອງກົມອາຫານ ແລະ ຢາ

 
ພິທີເປີດໂຄງການສ້າງຄວາມເຂັ້ມແຂງໃຫ້ແກ່ການຜະລິດອຸປະກອນການແພດໃນ ສປປ ລາວ ເພື່ອຕອບໂຕ້ການລະບາດຂອງໂຄວິດ-19
ປະກາດໂດຍ: ວ່າງຈື້ຊົ່ງ ຕົງນາມະວົງ, ປະກາດວັນທີ: 30/11/2022 12:14:14

ໃນວັນທີ 24 ພະຈິກ 2022, ກົມອາຫານ ແລະ ຢາ ຮ່ວມກັບອົງການ ສະຫະປະຊາຊາດ ເພື່ອການພັດທະນາ (UNDP) ແລະ ລັດວິສາຫະກິດ ໂຮງງານຜະລິດຢາ ເລກ 3 ໄດ້ຈັດພິທີເປີດໂຕກະກຽມສະຖານທີ່ຮອງຮັບການຕິດຕັ້ງເຄື່ອງຈັກຜະລິດຜ້າອັດປາກ-ດັງ ແລະ ເຈວລ້າງມືທີ່ບໍລິສັດລັດວິສາຫະກິດ ໂຮງງານຜະລິດຢາເລກ 3. ພິທີການດັ່ງກ່າວໄດ້ຈັດຂື້ນທີ່ບໍລິສັດລັດວິສາຫະກິດ ໂຮງງານຜະລິດຢາ ເລກ 3 ເຊິ່ງໄດ້ຮັບກຽດເຂົ້າຮ່ວມ ພິທີ ແລະ ມີຄໍາເຫັນ ໂດຍມີທ່ານ ປອ ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ທ່ານ ຫານ ເຢະ ເລຂາໂທ ຫ້ອງການເສດຖະກິດ ແລະ ການຄ້າ ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາຊົນ ຈີນ ປະຈຳ ສປປ ລາວ, ທ່ານ Abduvakkos Abdurahmanov ຫົວໜ້າໜ່ວຍງານບໍລິຫານຈັດການຊັບພະຍາກອນທຳມະຊາດ, ການປ່ຽນແປງສະພາບອາກາດ ແລະ ຫຼຸດຜ່ອນຄວາມສ່ຽງໄພພິບັດ, ຂອງອົງການສະຫະປະຊາຊາດ ເພື່ອການພັດທະນາ ປະຈໍາ ສປປ ລາວ, ທ່ານ ດຣ. ພູຂົງ ໂຈມມາລາ  ຮອງຜູ້ອຳນວຍການ ລັດວິສາຫະກິດ ບໍລິສັດລັດວິສາຫະກິດ ໂຮງງານຜະລິດຢາເລກ 3. ພິທິດັ່ງກ່າວ ໄດ້ມີບັນດາ ຄະນະພະແນກ, ຄະນະຂະແໜງ, ຄະນໜ່ວຍງານ ແລະ ວິຊາການ ທີ່ມາຈາກກົມອາຫານ ແລະ ຢາ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ  ແລະ ພະນັກງານ ລັດວິສາຫະກິດໂຮງງານຜະລິດຢາເລກ 3.

ອ່ານຕໍ່ »

ກອງປະຊຸມ ທົບທວນການຈັດຕັ້ງ ຍຸດທະສາດແຫ່ງຊາດດ້ານຢາພື້ນເມືອງ (2012-2015) ແລະ ປຶກສາຫາລື ຮ່າງຍຸດທະສາດແຫ່ງຊາດດ້ານຢາພື້ນເມືອງ (2023-2030)
ປະກາດໂດຍ: ທ້າວ ຊົ່ງ, ປະກາດວັນທີ: 23/11/2022 07:31:57

ໃນລະຫວາງວັນທີ 16-17 ພະຈິກ 2022 ທີ່ ໂຮງແຮມດອນຈັນ ພາເລດ, ກົມອາຫານ ແລະ ຢາ ກະຊວງສາທາລະນະສຸກ ໄດ້ຈັດກອງປະຊຸມທົບທວນ ການຈັດຕັ້ງປະຕິບັດ ຍຸດທະສາດແຫ່ງຊາດດ້ານຢາພື້ນເມືອງ (2012-2015) ແລະ ປຶກສາຫາລື ຮ່າງຍຸດທະສາດແຫ່ງຊາດດ້ານຢາພື້ນເມືອງສໍາລັບຊຸ່ມປີຕໍ່ໜ້າ (2023-2030) ໂດຍການເປັນປະທານຂອງ ທ່ານ ປອ. ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ. ກອງປະຊຸມ ໄດ້ມີບັນດາທ່ານຫົວໜ້າ, ຮອງຫົວໜ້າຈາກພາກສ່ວນຕ່າງໆ ເຊັ່ນ: ຫ້ອງການກະຊວງສາທາລະນະສຸກ, ກົມຈັດຕັ້ງ-ພະນັກງານ, ກົມອາຫານ ແລະ ຢາ, ກົມປິ່ນປົວ ແລະ ຟື້ນຟະໜ້າທີ່ການ, ຫ້ອງການປະກັນສຸຂະພາບສະຖາບັນການແພດ ແລະ ການຢາພື້ນເມືອງ, ສູນວິໄຈອາຫານ ແລະ ຢາ, ກອງກວດກາອາຫານ ແລະ ຢາ, ມະຫາວິທະຍາໄລວິທະຍາສາດສຸຂະພາບ, ຄະນະເພສັຊສາດ, ບັນດາທ່ານຫົວໜ້າ, ຮອງຫົວໜ້າອຳນວຍການໂຮງໝໍ ແລະ ຫົວໜ້າຂະແໜງການຢາໂຮງໝໍ ຈາກ 7 ໂຮງໝໍສູນກາງ, ຄະນະອໍານວຍການລັດວິສາຫະກິດໂຮງງານຜະລິດຢາ ແລະ 2 ແລະ ເລກ 3. ນອກຈາກນີ້ ມີທ່ານ Dr Jae Kyoun KIM ຈາກ ອົງການອະນາໄມໂລກພາກພື້ນປາຊີຟິກ ຕາເວັນຕົກ (WPRO) ພ້ອມດ້ວຍຜູ້ປະສານງານດ້ານຢາ ຈາກ ອົງການອະນາໄມໂລກປະຈໍາ ສປປ ລາວ ແລະ ຊ່ຽວຊານທີ່ປຶກສາກ່ຽວກັບການປັບປຸງຍຸດທະສາດດັ່ງກ່າວ, ມີຫົວໜ້າພະແນກ, ຮອງພະແນກ ແລະ ວິຊາການການທີ່ກ່ຽວຂ້ອງ ພາຍໃນກົມອາຫານ ແລະ ຢາ ລວມທັງ 40 ທ່ານ. 

ອ່ານຕໍ່ »

ກອງປະຊຸມອາຫານ ແລະ ຢາທົ່ວປະເທດ ຄັ້ງທີ IX
ປະກາດໂດຍ: ສຸກສົມຄວນ ຈັນທະມາດ, ປະກາດວັນທີ: 21/10/2022 12:35:10

ກອງປະຊຸມອາຫານ ແລະ ຢາທົ່ວປະເທດ ຄັ້ງທີ IX ຂຶ້ນ ພາຍໃຕ້ ຄໍາຂວັນ “ສ້າງຄວາມເຂັ້ມແຂງວຽກງານຄຸ້ມຄອງ, ຊຸກຍູ້-ສົ່ງເສີມ ການຜະລິດອາຫານ, ຢາ ແລະ ຜະລິຕະພັນການແພດ ໃຫ້ມີຄຸນນະພາບ ແລະ ມີຄວາມປອດໄພ ເພື່ອນໍາໃຊ້ພາຍໃນ ແລະ ສົ່ງອອກ”  ໄດ້ຈັດຂຶ້ນໃນວັນທີ  6 – 7 ຕຸລາ 2022 ທີ ໂຮງແຮມດອນຈັນ ພາເລດ, ນະຄອນຫຼວງວຽງຈັນ ໄດ້ຮັບກຽດຮ່ວມເປັນປະທານ ໂດຍ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ. ມີຜູ້ແທນເຂົ້າຮ່ວມ ທັງຫມົດ ຈຳນວນ 147  ທ່ານ, (ເປັນຍິງ ຈຳນວນ 59 ທ່ານ) ເຊິ່ງມາຈາກພາກສ່ວນຕ່າງໆ ເຊັ່ນ: ພະນັກງານອະວຸໂສບໍານານ ອະດີດການນໍາຂອງກະຊວງສາທາລະນະສຸກ, ຫ້ອງການກະຊວງ, ກົມ, ສະຖານບັນ, ມະຫາວິທະຍາໄລ, ສູນ, ກອງ, ໂຮງໝໍຂັ້ນສູນກາງ ອ້ອມຂ້າງກະຊວງສາທາລະນະສຸກ, ພະແນກສາທາລະນະສຸກແຂວງ, ນະຄອນຫຼວງວຽງຈັນ ແລະ ຈາກຂະແໜງການທີ່ກ່ຽວຂ້ອງຂັ້ນສູນກາງ ເຊັ່ນ: ກົມຕໍາຫລວດສິ່ງແວດລ້ອມ, ກົມຕໍາຫລວດຄວບຄຸມ ແລະ ສະກັດກັ້ນຢາເສບຕິດ, ກົມເສນາຮັກ (ກະຊວງປ້ອງກັນຄວາມສະງົບ), ກົມເສນາຮັກ (ກະຊວງປ້ອງກັນຊາດ) ກະຊວງກົມບໍ່ແຮ່ (ກະຊວງພະລັງງານ ແລະ ບໍ່ແຮ່), ກົມການນຳເຂົ້າ-ສົ່ງອອກ, ກະຊວງອຸດສາຫະກຳ ແລະ ການຄ້າ, ກົມມາດຕະຖານ ແລະ ວັດແທກ, ກົມຄຸ້ມຄອງອຸດສະຫະກໍາ ແລະ ຫັດຖະກຳ, ກົມການຄ້າພາຍໃນ, (ກະຊວງອຸດສາຫະກຳ ແລະ ການຄ້າ), ກົມສື່ມວນຊົນ (ກະຊວງຖະແຫຼງຂ່າວ ວັດທະນາທໍາ ແລະ ທ່ອງທ່ຽວ), ກົມພາສີ (ກະຊວງການເງິນ), ກົມປູກຝັງ, ກົມລ້ຽງສັດ, ກົມປ່າໄມ້ (ກະຊວງກະສິກໍາ ແລະ ປ່າໄມ້), ມີຜູ້ຕາງໜ້າຈາກ ອົງການຈັດຕັ້ງສາກົນ ແລະ ຄູ່ຮ່ວມພັດທະນາ ເຊັ່ນ: WHO, UNFPA, UNDP WB, ADB, CHAI, UNICEF, FAO, EU ແລະ ພາກສ່ວນທຸລະກິດຜະລິດດ້ານອາຫານ, ຢາ ແລະ ຜະລິດຕະພັນການແພດ.

ອ່ານຕໍ່ »

ກອງປະຊຸມແລກປ່ຽນ ແລະ ຖອດຖອນບົດຮຽນວຽກງານຄຸ້ມຄອງອາຫານ, ຢາ ແລະ ຜະລິດຕະພັນການແພດ
ປະກາດໂດຍ: ກີລາ ບູນປະເສີດ, ປະກາດວັນທີ: 12/07/2022 12:59:51

ກອງປະຊຸມແລກ​ປ່ຽນ ແລະ ຖອດ​ຖອນ​ບົດ​ຮຽນ​ວຽກ​ງານ​ຄຸ້ມ​ຄອງ​ອາ​ຫານ, ຢາ ແລະ ຜະ​ລິດ​ຕະ​ພັນ​ການ​ແພດ ລະ​ຫວ່າງ ​ສາຍ​ແຜນ​ງານ​ອາ​ຫານ ແລະ ຢາ ແລະ ຂະ​ແໜງອາ​ຫານ ແລະ  ຢາ​ ນະ​ຄອນ​ຫຼວງໄດ້ຈັດຂຶ້ນໃນວັນທີ 30 ມີຖຸນາ 2022 ຢູ່ທີ່ພະແນກສາທາລະນະສຸກນະຄອນຫຼວງ ໂດຍການເປັນປະທານຮ່ວມຂອງທ່ານ ປອ.ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ ແລະ ທ່ານ ດຣ. ໄຊພອນ ນັນທະພອນ ຫົວໜ້າພະແນກສາທາລະນະສຸກ ນະຄອນຫຼວງວຽງຈັນ. ກອງປະຊຸມມີຜູ້ເຂົ້າຮ່ວມທັງໝົດ 35 ທ່ານ ທີ່ມາຈາກ ກົມອາຫານ ແລະ ຢາ, ກອງກວດກາ ອາຫານ ແລະ ຢາ, ສູນວິໄຈອາຫານ ແລະ ຢາ, ສູນສະໜອງຢາ ແລະ ອຸປະກອນການແພດ, ຂະແໜງອາຫານ ແລະ ຢາ ນະຄອນຫຼວງ, ອາຫານ ແລະ ຢາເມືອງສີໂຄດຕະບອງ, ນາຊາຍທອງ, ໄຊເຊດຖາ,  ແລະ ເມືອງໄຊທານີ.

 

ອ່ານຕໍ່ »

ກອງປະຊຸມຝຶກອົບຮົມຫຼັກການການຜະລິດທີ່ດີ (Good Manufacturing Practice, GMP) ໃຫ້ແກ່ພະນັກງານທີ່ກ່ຽວຂ້ອງໃນວຽກງານຄຸ້ມຄອງ ແລະ ການຜະລິດຜະລິດຕະພັນຢາທັງຈາກພາກລັດ ແລະ ເອກະຊົນ
ປະກາດໂດຍ: ກີລາ ບູນປະເສີດ, ປະກາດວັນທີ: 01/07/2022 08:37:42

ໃນລະຫວ່າງວັນທີ 28-29 ມິຖຸນາ 2022 ໂດຍພາຍໃຕ້ການສະໜັບສະໜູນຂອງອົງການອະນາໄມໂລກ, ກົມອາຫານ ແລະ ຢາ ໄດ້ຈັດກອງປະຊຸມຝຶກອົບຮົມຫຼັກການການຜະລິດທີ່ດີ (Good Manufacturing Practice, GMP) ໃຫ້ແກ່ພະນັກງານທີ່ກ່ຽວຂ້ອງໃນວຽກງານຄຸ້ມຄອງ ແລະ ການຜະລິດຜະລິດຕະພັນຢາທັງຈາກພາກລັດ ແລະ ເອກະຊົນ ເຊິ່ງມາຈາກ ກົມອາຫານ ແລະ ຢາ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ, ຄະນະເພສັຊສາດ ມະຫາວິທະຍາໄລວິທະຍາສາດສຸຂະພາບ ແລະ ໂຮງງານຜະລິດຢາພາຍໃນ ສປປ ລາວ ທັງໝົດ 42 ທ່ານ. ກອງປະຊຸມຝຶກອົບຮົມດັ່ງກ່າວ ເປັນການຝຶກອົບຮົມຄູ່ມື GMP ຂອງອົງການອະນາໄມໂລກ ໂດຍຊ່ຽວຊານຈາກອົງການອະນາໄມໂລກ ເຊິ່ງເນັ້ນໜັກໃສ່ຫົວຂໍ້ສຳຄັນໃນການກວດສອບຢັ້ງຢືນ ແລະ ລະບົບອາກາດຂອງໂຮງງານຜະລິດຢາ.

 

ກອງປະຊຸມຝຶກອົບຮົມໃນຄັ້ງນີ້ແມ່ນໜຶ່ງໃນການສະໜັບສະໜູນຂອງອົງການອະນາໄມໂລກເພື່ອສ້າງຄວາມເຂັ້ມແຂງໃຫ້ແກ່ວຽກງານການຈັດຕັ້ງປະຕິບັດ GMP ໃນ ສປປ ລາວ ໂດຍສະເພາະໃນສະພາບການລະບາດຂອງ COVID-19 ໃນທົ່ວໂລກ ເຊິ່ງ ໂຮງງານຜະລິດາພາຍໃນຂອງ ສປປ ລາວ ກໍ່ໄດ້ຮັບການອະນຸຍາດການຜະລິດຢາຕ້ານເຊື້ອໂຄວິດ-19 ໃນພາວະສຸກເສີນເພື່ອປະກອບສ່ວນເຂົ້າໃນການແກ້ໄຂສະຖານະການການລະບາດ, ສະນັ້ນ ການຝຶກອົບຮົມ GMP ໃນຄັ້ງນີ້ຈະເປັນການສ້າງຄວາມເຂັ້ມແຂງໃຫ້ແກ່ການຄຸ້ມຄອງຂອງພາກລັດ ໃນການຊຸກຍູ້ຕິດຕາມ ເຮັດໃຫ້ການຈັດຕັ້ງປະຕິບັດ GMP ໃນ ສປປ ລາວ ມີປະສິດທິພາບຍິ່ງຂື້ນ ແລະ ເຮັດໃຫ້ການຜະລິດຢາໃໝ່ຂອງໂຮງງານຜະລິດຢາໃນ ສປປ ລາວ ມີຄວາມຮັບປະກັນດ້ານຄຸນນະພາບ, ປະສິດທິພາບ ແລະ ຄວາມປອດໄພ ເພື່ອກ້າວໄປສູ່ການຜະລິດເພື່ອສາມາດສົ່ງອອກໄດ້ໃນອະນາຄົດ.

 

ອ່ານຕໍ່ »

ງານສະເຫຼີມ ສະຫຼອງວັນອາຫານປອດໄພໂລກ ໄດ້ຈັດຂື້ນວັນທີ 17 ມິຖຸນາ 2022 ທີ່ ໂຮງແຮມຄຣາວ ພລາຊາພາຍໃຕ້ຄຳຂວັນ “ ການຮັບປະກັນອາຫານປອດໄພ ແມ່ນໜ້າທີ່ຂອງໝົດທຸກຄົນ “
ປະກາດໂດຍ: ກີລາ ບູນປະເສີດ, ປະກາດວັນທີ: 21/06/2022 10:45:02

ງານສະເຫຼີມ ສະຫຼອງວັນອາຫານປອດໄພໂລກ ໄດ້ຈັດຂື້ນວັນທີ 17 ມິຖຸນາ 2022 ທີ່ ໂຮງແຮມຄຣາວ ພລາຊາພາຍໃຕ້ຄຳຂວັນ “ ການຮັບປະກັນອາຫານປອດໄພ ແມ່ນໜ້າທີ່ຂອງໝົດທຸກຄົນ “ ໂດຍໃຫ້ກຽດເປັນປະທານຮ່ວມ ຂອງທ່ານ ດຣ. ໄພວັນ ແກ້ວປະເສີດ ຄະນະປະຈໍາພັກກະຊວງ, ຮອງລັດຖະມົນຕີກະຊວງສາທາລະນະສຸກ ແລະ ທ່ານນາງ Dr. Ying-Ru Lo ຜູ້ຕາງໜ້າອົງການອະນາໄມໂລກປະຈຳ ສປປ ລາວ; ກອງປະຊຸມ ມີຜູ້ເຂົ້າຮ່ວມທັງໝົດ 60 ທ່ານ ຈາກພາກສ່ວນຕ່າງໆ ທີ່ກ່ຽວຂ້ອງ ຄື: ຜູ້ຕາງໜ້າອົງການອະນາໄມໂລກ (WHO), ອົງການອາຫານ ແລະ ການກະເສດ (FAO), ຫ້ອງການກະຊວງສາທາລະນະສຸກ, ກົມປູກຝັງ ກະຊວງກະສິກໍາ ແລະ ປ່າໄມ້, ກົມມາດຕະຖານ ແລະ ວັດແທກ, ກົມນຳເຂົ້າ-ສົ່ງອອກ, ກົມອຸດສາຫະກຳ ແລະ ຫັດຖະກຳ, ກົມອະນາໄມ ແລະ ສົ່ງເສີມສຸຂະພາບ, ກົມປີ່ນປົວ ແລະ ຟື້ນຟູໜ້າທີ່ການ, ກົມອາຫານ ແລະ ຢາ, ກອງກວດກາ ອາຫານ ແລະ ຢາ, ສູນວິໄຈອາຫານ ແລະ ຢາ, ພະແນກສາທາລະນະສຸກນະຄອນຫຼວງວຽງຈັນ, ຜູ້ປະກອບການດ້ານອາຫານ ແລະ ຂະແໜງອາຫານ ແລະ ຢາ ແຂວງ ແລະ ນະຄອນຫຼວງ.

 

ອ່ານຕໍ່ »

ກອງປະຊຸມສົ່ງເສີມອາຫານທີ່ຄວາມປອດໄພ, ໄດ້ຈັດຂື້ນວັນທີ 7 ມິຖຸນາ 2022 ທີ່ ໂຮງແຮມ ລາວພລາຊາ.
ປະກາດໂດຍ: ກີລາ ບູນປະເສີດ, ປະກາດວັນທີ: 10/06/2022 21:32:10

ກອງປະຊຸມສົ່ງເສີມອາຫານທີ່ຄວາມປອດໄພ, ໄດ້ຈັດຂື້ນວັນທີ 7 ມິຖຸນາ 2022 ທີ່ ໂຮງແຮມ ລາວພລາຊາ. ໃຫ້ກຽດເປັນປະທານຮ່ວມໂດຍ ທ່ານ ປອ. ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ກະຊວງສາທາລະນະສຸກ, ທ່ານ ສົມຮັກ ວົງວິໄຊ ຮອງຫົວໜ້າ ກົມປູກຝັງ, ກະຊວງກະສິກຳ ແລະ ປ່າໄມ້ ແລະ ທ່ານ Suriyan Vichitlekarn, Executive Director, Mekong Institute ເຊິ່ງມີຜູ້ເຂົ້າຮ່ວມທັງໝົດ 60 ທ່ານ 

ອ່ານຕໍ່ »

ການນຳໃຊ້ຢາເຂົ້າໃນການປີ່ນປົວພະຍາດໂຄວິດ-19
ປະກາດໂດຍ: ກີລາ ບູນປະເສີດ, ປະກາດວັນທີ: 10/06/2022 08:08:13

ການນຳໃຊ້ຢາເຂົ້າໃນການປີ່ນປົວພະຍາດໂຄວິດ-19

ອ່ານຕໍ່ »

ປຶກສາຫາລືຮ່າງແຜນຍຸດທະສາດຂອງການພັດທະນາວຽກງານການຢາໂຮງໝໍແຕ່ປີ 2022-2030
ປະກາດໂດຍ: ກີລາ ບູນປະເສີດ, ປະກາດວັນທີ: 08/06/2022 13:24:17

ກົມ​ອາ​ຫານ ແລະ ຢາ ໄດ້​ເປີດກອງ​ປະ​ຊຸມ​ປຶກ​ສາ​ຫາ​ລື ແລະ ລະ​ດົມ​ແນວ​ຄວາມ​ຄິດ​ປະ​ກອບ​ໃສ່​ຮ່າງ​ແຜນ​ຍຸດ​ທະ​ສາດ​​ການ​ພັດ​ທະ​ນາ​ວຽກ​ງານ​ການ​ຢາ​ໂຮງ​ໝໍ ແຕ່​ປີ 2022-2030 ຢູ່​ທີ່​ທ່າ​ລາດ ແຂວງວຽງ​ຈັນ ໃນ​ວັນ​ທີ 23-25 ພຶດ​ສະ​ພາ 2022 ...

ອ່ານຕໍ່ »

ກອງປະຊຸມປຶກສາຫາລືກະກຽມສ້າງຕັ້ງສະພາວິຊາຊີບເພສັດຊະກຳ ແລະ ສະມາຄົມເພສັດຊະກອນ ໃນ ສປປ ລາວ
ປະກາດໂດຍ: ກີລາ ບູນປະເສີດ, ປະກາດວັນທີ: 08/06/2022 13:03:00

ໃນວັນທີ 20\5\2022 ກົມອາຫານ ແລະ ຢາໄດ້ເປີດກອງປະຊຸມປຶກສາຫາລື ເພື່ອກະກຽມສ້າງຕັ້ງສະພາວິຊາຊີບເພສັດຊະກຳ ແລະ ສະມາຄົມເພສັດຊະກອນ ໃນ ສປປ ລາວຂຶ້ນ ໂດຍການເປັນປະທານກອງປະຊຸມຂອງ ທ່ານ ປອ. ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ຊຶ່ງມີຜູ້ເຂົ້າຮ່ວມຈາກກົມອາຫານ ແລະ ຢາ, ສາຍອາຫານ ແລະ ຢາ ແລະ ພະນັກງານບຳນານອາວຸໂສທີ່ມີປະສົບການດ້ານຢາເຂົ້າຮ່ວມ 20 ກ່ວາທ່ານ.

 

ອ່ານຕໍ່ »

 

   
         
ID ຊື່ຜະລິດຕະພັນ ໂຮງງານຜູ້ຜະລິດ ປະສິດທິພາບດ້ານ ຄລີນິກຢັ້ງຢືນ ຈາກໂຮງງານ ປະສິດທິພາບດ້ານ ຄລີນິກຢັ້ງຢືນ ໂດຍສູນວິເຄາະລະບາດວິທະຍາ ເລກທີ ໄດ້ຮັບອານຸຍາດ EUA ຈາກກົມອາຫານ ແລະ ຢາ ວັນທີ ໄດ້ຮັບອານຸຍາດ EUA ຈາກກົມອາຫານ ແລະ ຢາ ບໍລິສັດນຳເຂົ້າ ຮູບພາບ ແລະ ວິທີການນໍາໃຊ້
1Sure Status COVID-19 Antigen Card Test (Nasopharyngeal Swab)Premier Medical Corporation Private Limited (India)ຄວາມໄວ 94.4% (Sensitivity), ຄວາມຈຳເພາະ100% (Specificity)ບໍ່ໄດ້ທົດສອບຄືນ ເນື່ອງຈາກເປັນເຄື່ອງທົດສອບແບບໄວທີ່ຢູ່ໃນ EUL ຂອງອົງການອະນາໄມໂລກEUA-01-0101/11/2021ບໍລິສັດ ວຽງທອງການຢາ ຂາອອກ-ຂາເຂົ້າ ຈຳກັດຜູ້ດຽວPREVIEW
2Panbio COVID-19 Ag Rapid Test Device (Nasal)Abbott Rapid Diagnostic Jena GmbH (Germany) ຄວາມໄວ 98.1% (Sensitivity) ຄວາມຈຳເພາະ 99.8% (Specificity)ບໍ່ໄດ້ທົດສອບຄືນ ເນື່ອງຈາກເປັນເຄື່ອງທົດສອບແບບໄວທີ່ຢູ່ໃນ EUL ຂອງອົງການອະນາໄມໂລກEUA-01-0201/11/2021ບໍລິສັດ ຊີບີເອັຟ ຟາຣມາ ຈຳກັດPREVIEW
3Standard Q COVID-19 Ag Test (Nasopharyngeal Swab)SD Biosensor, Inc (Korea)- ທົດສອບໃນປະເທດເຢຍລະມັນ ຄວາມໄວ 100% (Sensitivity) ຄວາມຈຳເພາະ 99.3% (Specificity), ທົດສອບໃນປະເທດເຢຍບຣາຊີນ ຄວາມໄວ 95.9% (Sensitivity) ຄວາມຈໍາເພາະ 97.6% (Specificity)ບໍ່ໄດ້ທົດສອບຄືນ ເນື່ອງຈາກເປັນເຄື່ອງທົດສອບແບບໄວທີ່ຢູ່ໃນ EUL ຂອງອົງການອະນາໄມໂລກEUA-01-0318/11/2021ບໍລິສັດ ເອັສເຄເອັນການຄ້າ ຂາອອກ-ຂາເຂົ້າຈຳກັດ ຜູ້ດຽວPREVIEW
4COVID-19 (SARS-CoV-2) Antigen Test Kit (Kolloidal Gold)Anhui DeepBlue Medical Technology,Co.,Ltd (China)ຄວາມໄວ 96.4% (Sensitivity)ຄວາມຈຳເພາະ 99,8% (Specificity)ບໍ່ໄດ້ທົດສອບຄືນEUA-02-0722/02/2022ບໍລິສັດ ພອນທິດາ ຂາເຂົ້າ - ຂາອອກPREVIEW
5Covid-19 Antigen CARD KitFosun Diagnostics (Shanghai) Co.,Ltd (China)ຄວາມໄວ 96.1% (Sensitivity) ຄວາມຈຳເພາະ 99,5% (Specificity)ບໍ່ໄດ້ທົດສອບຄືນEUA-02-0218/02/2022ບໍລິສັດ ການຢາມິດຕະພາບ ຂາອອກ-ຂາເຂົ້າ ຈຳກັດຜູ້ດຽວPREVIEW
6SARS-CoV-2 Rapid Antigen Test Kit (Colloidal Gold)Genrui Biotech Inc. (China)ຄວາມໄວ 98.13% (Sensitivity) ຄວາມຈຳເພາະ100% (Specificity)ບໍ່ໄດ້ທົດສອບຄືນEUA-02-0418/02/2022ບໍລິສັດ ເຄເອັສດີການຢາ ຂາອອກ - ຂາເຂົ້າ ຈຳກັດຜູ້ດຽວPREVIEW
7One Step Rapid Test, SARS-CoV-2 Rapid Antigen Test (Immunochromatograpphy Assay)Qingdao Hightop Biotech Co.,Ltd (China)ຄວາມໄວ 93% (Sensitivity) ຄວາມຈຳເພາະ 99% (Specificity)ບໍ່ໄດ້ທົດສອບຄືນEUA-02-0318/02/2022ບໍລິສັດ ເອັນເອັນຊີ ຟາກມາຈຳກັດPREVIEW
8Sure Status COVID-19 Antigen Card Test (Home Test)Premier Medical Corporation Private Limited (India)ຄວາມໄວ 95% (Sensitivity) ຄວາມຈຳເພາະ100% (Specificity)ບໍ່ໄດ້ທົດສອບຄືນEUA-02-0118/02/2022ບໍລິສັດ ວຽງທອງການຢາ ຂາອອກ-ຂາເຂົ້າ ຈຳກັດຜູ້ດຽວPREVIEW
92019-nCoV Antigen Test, W634P0009 (Lateral Flow Method)Guangzhou Wondfo Biotech Co.,Ltd (China)ຄວາມໄວ 97,83% (Sensitivity) ຄວາມຈຳເພາະ99,08% (Specificity)ບໍ່ໄດ້ທົດສອບຄືນEUA-02-0622/02/2022ບໍລິສັດ ໄຊມັງກອນການຢາ ຈຳກັດຜູ້ດຽວPREVIEW
102019-nCoV Antigen Test, W196P0010 (Lateral Flow Method)Guangzhou Wondfo Biotech Co.,Ltd (China)ຄວາມໄວ 97,83% (Sensitivity) ຄວາມຈຳເພາະ99,08% (Specificity)ບໍ່ໄດ້ທົດສອບຄືນEUA-02-0522/02/2022ບໍລິສັດ ໄຊມັງກອນການຢາ ຈຳກັດຜູ້ດຽວPREVIEW

  ASIAN DEVELOPMENT BANK Association of Southeast Asian Nations - ASEAN ຄະນະສະເພາະກິດ COVID-19 ສປປ ລາວ. Japan International Cooperation Agency - JICA Korea International Cooperation Agency (KOICA) The Global Fund to Fight AIDS, Tuberculosis and Malaria World Food Programme World Food Programme The World Bank  Ministry of Health Lao PDR.  United Nations Office on Drugs and Crime World Health Organization: WHO  Swedish International Development Cooperation Agency: SIDA