ສະຖິຕິການຢ້ຽມຊົມ |
ກໍາລັງຊົມເວັບໄຊທ໌ຂະນະນີ້ |
44 |
ມື້ນີ້ |
1,047 |
ມື້ວານນີ້ |
1,787 |
ເດືອນນີ້ |
35,286 |
ເດືອນແລ້ວນີ້ |
28,901 |
ປີນີ້ |
96,504 |
ປີກາຍນີ້ |
167,903 |
ທັງໝົດ |
701,147 |
|
ຂ່າວສານ ການເຄື່ອນໄຫວ ຂອງກົມອາຫານ ແລະ ຢາ |
|
ກອງປະຊຸມສະເຫຼີມສະຫຼອງວັນແມ່ຍິງສາກົນ ວັນທີ 8 ມີນາ 2023 ຄົບຮອບ 113 ປີ ຄັ້ງວັນທີ 10 ມີນາ 2023 ທີ່ ຫ້ອງປະຊຸມ ກົມອາຫານ ແລະ ຢາ. | ປະກາດໂດຍ: ທ້າວ ຊົ່ງ, ປະກາດວັນທີ: 15/03/2023 04:06:03 |  ພິທີການສະເຫຼີມສະຫຼອງວັນແມ່ຍິງສາກົນ ວັນທີ 8 ມີນາ 2023 ຄົບຮອບ 113 ປີ (08 ມີນາ 1910 ເຖີງ 08 ມີນາ 2023) ໄດ້ຈັດຂື້ນ ໃນຕອນບ່າຍຂອງວັນທີ 10 ມີນາ 2023 ທີ່ ຫ້ອງປະຊຸມກົມອາຫານ ແລະ ຢາ. ໂດຍການໃຫ້ກຽດເປັນປະທານຂອງ ສະຫາຍ ປອ. ດຣ. ບຸນຊູ ແກ້ວຫາວົງ ກໍາມະການຄະນະພັກ ກະຊວງສາທາລະນະສຸກ ຫົວໜ້າກົມອາຫານ ແລະ ຢາ, ສະຫາຍ ດຣ. ນ. ວຽງໄຊ ວັນສີລາລົມ ຮອງເລຂາພັກ ປະທານກວດກາພັກກົມອາຫານ ແລະ ຢາ ຄະນະສະຫະພັນແມ່ຍິງກະຊວງສາທາລະນະສຸກ ຮອງຫົວໜ້າກົມອາຫານ ແລະ ຢາ ແລະ ການເຂົ້າຮ່ວມຂອງປະທານກຳມະບານຮາກຖານ ກອຢ, ເລຂາຊາວໜຸ່ມ ກອຢ, ຄະນະ ແລະ ເອື້ອຍນ້ອງສະມາຊິກແມ່ຍິງ ສະຫະພັນແມ່ຍິງໜ່ວຍກົມອາຫານ ແລະ ຢາ ເຂົ້າຮ່ວມ ທັງໝົດ 26 ສະຫາຍ.
| ອ່ານຕໍ່ » |
ພິທີສະຫຼຸບ ການເຄື່ອນໄຫວຈັດຕັ້ງປະຕິບັດປະຈຳປີ 2022 ແລະ ແຜນການປີ 2023 ແລະ ເປີດຂະບວນການຈັບມືແຂ່ງຂັນ 5 ເປັນເຈົ້າ ກໍາມະບານ ຮາກຖານ ກົມອາຫານ ແລະ ຢາ ວັນທີ 6 ມີນາ 2023 | ປະກາດໂດຍ: ທ້າວ ຊົ່ງ, ປະກາດວັນທີ: 15/03/2023 03:53:45 |  ໃນຕອນບ່າຍຂອງ ວັນທີ 6 ມີນາ 2023 ກົມອາຫານ ແລະ ຢາ ໄດ້ເປີດພິທີສະຫຼຸບ ການເຄື່ອນໄຫວຈັດຕັ້ງປະຕິບັດປະຈໍາປີ 2022 ແລະ ແຜນການ ປີ 2023 ແລະ ເປີດຂະບວນການຈັບມືແຂ່ງຂັນ 5 ເປັນເຈົ້າ ກໍາມະບານ ຮາກຖານ ກົມອາຫານ ແລະ ຢາ. ໂດຍການເປັນປະທານ ຂອງ ສະຫາຍ ປອ. ດຣ ບຸນເລື່ອນ ດວງເດືອນ ຮອງປະທານສະຫະພັນກຳມະບານ ກະຊວງສາທາລະນະສຸກ, ຫົວໜ້າສະຖາບັນການແພດ ແລະ ການຢາພື້ນເມືອງ, ສະຫາຍ ດຣ ສຸກສົມຄວນ ຈັນທະມາດ ເລຂາພັກຮາກຖານ, ຮອງຫົວໜ້າກົມອາຫານ ແລະ ຢາ, ສະຫາຍ ນ. ວົງວຽງສາ ສິດທິເດດ ປະທານກຳມະບານ ຮາກຖານ ກົມອາຫານ ແລະ ຢາ ແລະ ມີການເຂົ້າຮ່ວມ ຂອງສະຫະພັນແມ່ຍິງ, ໜ່ວຍຮາກຖານຊາວໜຸ່ມ ແລະ ສະມາຊິກກຳມະບານ ກົມອາຫານ ແລະ ຢາ, ລວມຈໍານວນຜູ້ເຂົ້າຮ່ວມ ທັງໝົດ 38 ສະຫາຍ.
| ອ່ານຕໍ່ » |
ກອງປະຊຸມປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ | ປະກາດໂດຍ: ທ້າວ ຊົ່ງ, ປະກາດວັນທີ: 16/02/2023 11:09:30 |  ໃນວັນທີ 10 ກຸມພາ 2023 ກົມອາຫານ ແລະ ຢາ ໄດ້ເປີດກອງປະຊຸມປຶກສາຫາລືກະກຽມສ້າງຕັ້ງສະມາຄົມເພສັດຊະກອນ ລາວ ໂດຍການເປັນປະທານຂອງທ່ານ ປອ.ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ເຊິ່ງກອງປະຊຸມດັ່ງກ່າວມີເພສັດຊະກອນຈາກພາກລັດ ແລະ ຕາງໜ້າຈາກຜູ້ດຳເນີນທຸລະກິດ ໃຫ້ກຽດເຂົ້າຮ່ວມ: ພະນັກງານບຳນານອາວຸໂສ, ຫ້ອງການກະຊວງສາທາລະນະສຸກ, ຄະນະເພສັຊສາດ (ມວສ), ສະຖາບັນການແພດ ແລະ ການຢາພື້ນເມືອງພ້ອມ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ, ໂຮງໝໍສູນກາງ, ຜູ້ຕາງໜ້າຈາກໂຮງງານຜະລິດ ແລະ ບໍລິສັດຂາເຂົ້າ-ຂາອອກດ້ານຢາ, ຫົວໜ້າ/ຮອງພະແນກຈາກກົມອາຫານ ແລະ ຢາ ລວມທັງໝົດ 32 ທ່ານ.
| ອ່ານຕໍ່ » |
ພິທີມອບ-ຮັບເຄື່ອງຊ່ວຍເຫລືອ ຈາກ ບໍລິສັດ ການຢາໂກດູຟາ-ລາວ ຈໍາກັດ ໃຫ້ແກ່ ກະຊວງສາທາລະນະສຸກ | ປະກາດໂດຍ: Kila Bounpasert, ປະກາດວັນທີ: 31/01/2023 04:35:35 |  ໃນຕອນບ່າຍ ວັນທີ 20 ທັນວາ 2022 ທີ່ ກົມອາຫານ ແລະ ຢາ, ກະຊວງສາທາລະນະສຸກ, ໄດ້ມີພິທີມອບ-ຮັບເຄື່ອງຊ່ວຍເຫລືອ ຈາກ ບໍລິສັດ ການຢາໂກດູຟາ-ລາວ ຈໍາກັດ ໃຫ້ແກ່ ກະຊວງສາທາລະນະສຸກ. ໃຫ້ກຽດເຂົ້າຮ່ວມໃນພິທີໂດຍມີ ທ່ານ ວິຍະວົງ ຈຽມສີສຸລາດ, ທ່ານ ດາວເພັດ ທິບພະວົງ ຕ່າງໜ້າໃຫ້ ບໍລິສັດ ການຢາໂກດູຟາ-ລາວ ຈໍາກັດ, ກ່າວຮັບໂດຍມີ ທ່ານ ປອ ດຣ. ບຸນຊູ ແກ້ວຫາ ຫົວໜ້າກົມອາຫານ ແລະ ຢາ, ທ່ານ ປອ ດຣ. ສຸລິສັກ ສູນວໍລະວົງ ຮອງຫົວໜ້າກົມອາຫານ ແລະ ຢາ, ທ່ານ ສຸກສົມຄວນ ຈັນທະມາດ ຮອງຫົວໜ້າກົມອາຫານ ແລະ ຢາ ພ້ອມດ້ວຍພະນັກງານກົມອາຫານ ແລະ ຢາ.
| ອ່ານຕໍ່ » |
ກອງປະຊຸມເຜີຍແຜ່ຍຸດທະສາດ ການພັດທະນາການຢາໂຮງໝໍ ແລະ ຄູ່ມືການຈັດຕັ້ງປະຕິບັດວຽກງານການຢາໂຮງໝໍທີ່ດີ | ປະກາດໂດຍ: ວ່າງຈື້ຊົ່ງ ຕົງນາມະວົງ, ປະກາດວັນທີ: 31/01/2023 03:58:07 |  ວັນທີ 24-25 ມັງກອນ 2022 ກົມອາຫານ ແລະ ຢາ ໄດ້ເປີດກອງປະຊຸມເຜີຍແຜ່ຍຸດທະສາດ ການພັດທະນາວຽກງານການຢາໂຮງໝໍ ແລະ ຄູ່ມືການຈັດຕັ້ງປະຕິບັດວຽກງານການຢາໂຮງໝໍທີ່ດີ ຂຶ້ນຢູ່ແຂວງວຽງຈັນ ໂດຍການເປັນປະທານຂອງ ທ່ານ ປອ ດຣ ສຸລິສັກ ສູນວໍລະວົງ, ຮອງຫົວໜ້າກົມອາຫານ ແລະ ຢາ. ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 83 ທ່ານ ທີ່ມາຈາກກົມປິ່ນປົວ-ຟື້ນຟູໜ້າທີ່ການ, ກົມຈັດຕັ້ງ-ພະນັກງານ, ກົມອາຫານ ແລະ ຢາ, ກອງກວດກາອາຫານ ແລະ ຢາ, ສູນສະໜອງຢາ-ອຸປະກອນການແພດ ແລະ 5 ໂຮງໝໍສູນກາງ, ອາຫານ ແລະ ຢາແຂວງ, ຄະນະອຳນວຍການໂຮງໝໍແຂວງ 18 ແຂວງ ແລະ ຕ່າງໜ້າຈາກອົງການອະນາໄມໂລກ ແລະ ອົງການໄຈ.
| ອ່ານຕໍ່ » |
ການຮັບໃຊ້ງານມະຫາກໍາກິລາແຫ່ງຊາດຄັ້ງທີ XI ທີ່ແຂວງຊຽງຂວາງ ປີ 2022 ຂອງທີມງານ ອາຫານປອດໄພ ແລະ ສຸຂະນາໄມ | ປະກາດໂດຍ: ວ່າງຈື້ຊົ່ງ ຕົງນາມະວົງ, ປະກາດວັນທີ: 28/12/2022 08:43:23 |  ໃນໄລຍະການແຂ່ງຂັນກິລາແຫ່ງຊາດຄັ້ງທີ XI ຊຽງຂວາງເກມ 22 ທີ່ແຂວງຊຽງຂວາງ ກົມອາຫານ ແລະ ຢາ ໄດ້ມອບຊຸດທົດສອບອາຫານ ແລະ ອຸປະກອນຮັບໃຊ້ ໃຫ້ທິມງານອາຫານປອດໄພແຂວງ ຈໍານວນ 6 ລາຍການ ມູນຄ່າປະມານ 21.000.000 ກີບ ໃນນັ້ນມີ: ຊຸດທົດສອບເຊື້ອໂຄລີຟອມໃນອາຫານ 40 ຊຸດ, ຊຸດທົດສອບຄວາມສະອາດ ພາຊະນະ 20 ຊຸດ, ຊຸດທົດສອບ ໂກລິຟອມໃນນ້ຳ 10 ຊຸດ, ຊຸດທົດສອບສານຟອກມາລີນ 109 ແທັດ, ຊຸດທົດສອບ ບໍແລັກ 100 ແທັດ ເພື່ອຮັບໃຊ້ໃຫ້ແກ່ຄະນະຮັບຜິດຊອບອາຫານປອດໄພ ແລະ ສຸຂະນາໄມ ທີ່ຮັບໃຊ້ງານກິລາ ຊຽງຂວາງເກມ 22.
| ອ່ານຕໍ່ » |
ພິທີເປີດໂຄງການສ້າງຄວາມເຂັ້ມແຂງໃຫ້ແກ່ການຜະລິດອຸປະກອນການແພດໃນ ສປປ ລາວ ເພື່ອຕອບໂຕ້ການລະບາດຂອງໂຄວິດ-19 | ປະກາດໂດຍ: ວ່າງຈື້ຊົ່ງ ຕົງນາມະວົງ, ປະກາດວັນທີ: 30/11/2022 12:14:14 |  ໃນວັນທີ 24 ພະຈິກ 2022, ກົມອາຫານ ແລະ ຢາ ຮ່ວມກັບອົງການ ສະຫະປະຊາຊາດ ເພື່ອການພັດທະນາ (UNDP) ແລະ ລັດວິສາຫະກິດ ໂຮງງານຜະລິດຢາ ເລກ 3 ໄດ້ຈັດພິທີເປີດໂຕກະກຽມສະຖານທີ່ຮອງຮັບການຕິດຕັ້ງເຄື່ອງຈັກຜະລິດຜ້າອັດປາກ-ດັງ ແລະ ເຈວລ້າງມືທີ່ບໍລິສັດລັດວິສາຫະກິດ ໂຮງງານຜະລິດຢາເລກ 3. ພິທີການດັ່ງກ່າວໄດ້ຈັດຂື້ນທີ່ບໍລິສັດລັດວິສາຫະກິດ ໂຮງງານຜະລິດຢາ ເລກ 3 ເຊິ່ງໄດ້ຮັບກຽດເຂົ້າຮ່ວມ ພິທີ ແລະ ມີຄໍາເຫັນ ໂດຍມີທ່ານ ປອ ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ທ່ານ ຫານ ເຢະ ເລຂາໂທ ຫ້ອງການເສດຖະກິດ ແລະ ການຄ້າ ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາຊົນ ຈີນ ປະຈຳ ສປປ ລາວ, ທ່ານ Abduvakkos Abdurahmanov ຫົວໜ້າໜ່ວຍງານບໍລິຫານຈັດການຊັບພະຍາກອນທຳມະຊາດ, ການປ່ຽນແປງສະພາບອາກາດ ແລະ ຫຼຸດຜ່ອນຄວາມສ່ຽງໄພພິບັດ, ຂອງອົງການສະຫະປະຊາຊາດ ເພື່ອການພັດທະນາ ປະຈໍາ ສປປ ລາວ, ທ່ານ ດຣ. ພູຂົງ ໂຈມມາລາ ຮອງຜູ້ອຳນວຍການ ລັດວິສາຫະກິດ ບໍລິສັດລັດວິສາຫະກິດ ໂຮງງານຜະລິດຢາເລກ 3. ພິທິດັ່ງກ່າວ ໄດ້ມີບັນດາ ຄະນະພະແນກ, ຄະນະຂະແໜງ, ຄະນໜ່ວຍງານ ແລະ ວິຊາການ ທີ່ມາຈາກກົມອາຫານ ແລະ ຢາ, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ ແລະ ພະນັກງານ ລັດວິສາຫະກິດໂຮງງານຜະລິດຢາເລກ 3.
| ອ່ານຕໍ່ » |
ກອງປະຊຸມ ທົບທວນການຈັດຕັ້ງ ຍຸດທະສາດແຫ່ງຊາດດ້ານຢາພື້ນເມືອງ (2012-2015) ແລະ ປຶກສາຫາລື ຮ່າງຍຸດທະສາດແຫ່ງຊາດດ້ານຢາພື້ນເມືອງ (2023-2030) | ປະກາດໂດຍ: ທ້າວ ຊົ່ງ, ປະກາດວັນທີ: 23/11/2022 07:31:57 |  ໃນລະຫວາງວັນທີ 16-17 ພະຈິກ 2022 ທີ່ ໂຮງແຮມດອນຈັນ ພາເລດ, ກົມອາຫານ ແລະ ຢາ ກະຊວງສາທາລະນະສຸກ ໄດ້ຈັດກອງປະຊຸມທົບທວນ ການຈັດຕັ້ງປະຕິບັດ ຍຸດທະສາດແຫ່ງຊາດດ້ານຢາພື້ນເມືອງ (2012-2015) ແລະ ປຶກສາຫາລື ຮ່າງຍຸດທະສາດແຫ່ງຊາດດ້ານຢາພື້ນເມືອງສໍາລັບຊຸ່ມປີຕໍ່ໜ້າ (2023-2030) ໂດຍການເປັນປະທານຂອງ ທ່ານ ປອ. ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ. ກອງປະຊຸມ ໄດ້ມີບັນດາທ່ານຫົວໜ້າ, ຮອງຫົວໜ້າຈາກພາກສ່ວນຕ່າງໆ ເຊັ່ນ: ຫ້ອງການກະຊວງສາທາລະນະສຸກ, ກົມຈັດຕັ້ງ-ພະນັກງານ, ກົມອາຫານ ແລະ ຢາ, ກົມປິ່ນປົວ ແລະ ຟື້ນຟະໜ້າທີ່ການ, ຫ້ອງການປະກັນສຸຂະພາບສະຖາບັນການແພດ ແລະ ການຢາພື້ນເມືອງ, ສູນວິໄຈອາຫານ ແລະ ຢາ, ກອງກວດກາອາຫານ ແລະ ຢາ, ມະຫາວິທະຍາໄລວິທະຍາສາດສຸຂະພາບ, ຄະນະເພສັຊສາດ, ບັນດາທ່ານຫົວໜ້າ, ຮອງຫົວໜ້າອຳນວຍການໂຮງໝໍ ແລະ ຫົວໜ້າຂະແໜງການຢາໂຮງໝໍ ຈາກ 7 ໂຮງໝໍສູນກາງ, ຄະນະອໍານວຍການລັດວິສາຫະກິດໂຮງງານຜະລິດຢາ ແລະ 2 ແລະ ເລກ 3. ນອກຈາກນີ້ ມີທ່ານ Dr Jae Kyoun KIM ຈາກ ອົງການອະນາໄມໂລກພາກພື້ນປາຊີຟິກ ຕາເວັນຕົກ (WPRO) ພ້ອມດ້ວຍຜູ້ປະສານງານດ້ານຢາ ຈາກ ອົງການອະນາໄມໂລກປະຈໍາ ສປປ ລາວ ແລະ ຊ່ຽວຊານທີ່ປຶກສາກ່ຽວກັບການປັບປຸງຍຸດທະສາດດັ່ງກ່າວ, ມີຫົວໜ້າພະແນກ, ຮອງພະແນກ ແລະ ວິຊາການການທີ່ກ່ຽວຂ້ອງ ພາຍໃນກົມອາຫານ ແລະ ຢາ ລວມທັງ 40 ທ່ານ. | ອ່ານຕໍ່ » |
ກອງປະຊຸມອາຫານ ແລະ ຢາທົ່ວປະເທດ ຄັ້ງທີ IX | ປະກາດໂດຍ: ສຸກສົມຄວນ ຈັນທະມາດ, ປະກາດວັນທີ: 21/10/2022 12:35:10 | 
ກອງປະຊຸມອາຫານ ແລະ ຢາທົ່ວປະເທດ ຄັ້ງທີ IX ຂຶ້ນ ພາຍໃຕ້ ຄໍາຂວັນ “ສ້າງຄວາມເຂັ້ມແຂງວຽກງານຄຸ້ມຄອງ, ຊຸກຍູ້-ສົ່ງເສີມ ການຜະລິດອາຫານ, ຢາ ແລະ ຜະລິຕະພັນການແພດ ໃຫ້ມີຄຸນນະພາບ ແລະ ມີຄວາມປອດໄພ ເພື່ອນໍາໃຊ້ພາຍໃນ ແລະ ສົ່ງອອກ” ໄດ້ຈັດຂຶ້ນໃນວັນທີ 6 – 7 ຕຸລາ 2022 ທີ ໂຮງແຮມດອນຈັນ ພາເລດ, ນະຄອນຫຼວງວຽງຈັນ ໄດ້ຮັບກຽດຮ່ວມເປັນປະທານ ໂດຍ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ. ມີຜູ້ແທນເຂົ້າຮ່ວມ ທັງຫມົດ ຈຳນວນ 147 ທ່ານ, (ເປັນຍິງ ຈຳນວນ 59 ທ່ານ) ເຊິ່ງມາຈາກພາກສ່ວນຕ່າງໆ ເຊັ່ນ: ພະນັກງານອະວຸໂສບໍານານ ອະດີດການນໍາຂອງກະຊວງສາທາລະນະສຸກ, ຫ້ອງການກະຊວງ, ກົມ, ສະຖານບັນ, ມະຫາວິທະຍາໄລ, ສູນ, ກອງ, ໂຮງໝໍຂັ້ນສູນກາງ ອ້ອມຂ້າງກະຊວງສາທາລະນະສຸກ, ພະແນກສາທາລະນະສຸກແຂວງ, ນະຄອນຫຼວງວຽງຈັນ ແລະ ຈາກຂະແໜງການທີ່ກ່ຽວຂ້ອງຂັ້ນສູນກາງ ເຊັ່ນ: ກົມຕໍາຫລວດສິ່ງແວດລ້ອມ, ກົມຕໍາຫລວດຄວບຄຸມ ແລະ ສະກັດກັ້ນຢາເສບຕິດ, ກົມເສນາຮັກ (ກະຊວງປ້ອງກັນຄວາມສະງົບ), ກົມເສນາຮັກ (ກະຊວງປ້ອງກັນຊາດ) ກະຊວງກົມບໍ່ແຮ່ (ກະຊວງພະລັງງານ ແລະ ບໍ່ແຮ່), ກົມການນຳເຂົ້າ-ສົ່ງອອກ, ກະຊວງອຸດສາຫະກຳ ແລະ ການຄ້າ, ກົມມາດຕະຖານ ແລະ ວັດແທກ, ກົມຄຸ້ມຄອງອຸດສະຫະກໍາ ແລະ ຫັດຖະກຳ, ກົມການຄ້າພາຍໃນ, (ກະຊວງອຸດສາຫະກຳ ແລະ ການຄ້າ), ກົມສື່ມວນຊົນ (ກະຊວງຖະແຫຼງຂ່າວ ວັດທະນາທໍາ ແລະ ທ່ອງທ່ຽວ), ກົມພາສີ (ກະຊວງການເງິນ), ກົມປູກຝັງ, ກົມລ້ຽງສັດ, ກົມປ່າໄມ້ (ກະຊວງກະສິກໍາ ແລະ ປ່າໄມ້), ມີຜູ້ຕາງໜ້າຈາກ ອົງການຈັດຕັ້ງສາກົນ ແລະ ຄູ່ຮ່ວມພັດທະນາ ເຊັ່ນ: WHO, UNFPA, UNDP WB, ADB, CHAI, UNICEF, FAO, EU ແລະ ພາກສ່ວນທຸລະກິດຜະລິດດ້ານອາຫານ, ຢາ ແລະ ຜະລິດຕະພັນການແພດ.
| ອ່ານຕໍ່ » |
ກອງປະຊຸມແລກປ່ຽນ ແລະ ຖອດຖອນບົດຮຽນວຽກງານຄຸ້ມຄອງອາຫານ, ຢາ ແລະ ຜະລິດຕະພັນການແພດ | ປະກາດໂດຍ: ກີລາ ບູນປະເສີດ, ປະກາດວັນທີ: 12/07/2022 12:59:51 | 
ກອງປະຊຸມແລກປ່ຽນ ແລະ ຖອດຖອນບົດຮຽນວຽກງານຄຸ້ມຄອງອາຫານ, ຢາ ແລະ ຜະລິດຕະພັນການແພດ ລະຫວ່າງ ສາຍແຜນງານອາຫານ ແລະ ຢາ ແລະ ຂະແໜງອາຫານ ແລະ ຢາ ນະຄອນຫຼວງໄດ້ຈັດຂຶ້ນໃນວັນທີ 30 ມີຖຸນາ 2022 ຢູ່ທີ່ພະແນກສາທາລະນະສຸກນະຄອນຫຼວງ ໂດຍການເປັນປະທານຮ່ວມຂອງທ່ານ ປອ.ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ ແລະ ທ່ານ ດຣ. ໄຊພອນ ນັນທະພອນ ຫົວໜ້າພະແນກສາທາລະນະສຸກ ນະຄອນຫຼວງວຽງຈັນ. ກອງປະຊຸມມີຜູ້ເຂົ້າຮ່ວມທັງໝົດ 35 ທ່ານ ທີ່ມາຈາກ ກົມອາຫານ ແລະ ຢາ, ກອງກວດກາ ອາຫານ ແລະ ຢາ, ສູນວິໄຈອາຫານ ແລະ ຢາ, ສູນສະໜອງຢາ ແລະ ອຸປະກອນການແພດ, ຂະແໜງອາຫານ ແລະ ຢາ ນະຄອນຫຼວງ, ອາຫານ ແລະ ຢາເມືອງສີໂຄດຕະບອງ, ນາຊາຍທອງ, ໄຊເຊດຖາ, ແລະ ເມືອງໄຊທານີ.
| ອ່ານຕໍ່ » |
|
|
|
|