ໃນລະຫວ່າງວັນທີ 22 ຫາ 30 ມັງກອນ 2024 ໜ່ວຍງານອະນາໄມສີ່ງແວດລ້ອມ ແລະ ອາຫານປອດໄພ ຈາກສູນກາງ ຮ່ວມກັບ ໜ່ວຍງານອະນາໄມສີ່ງແວດລ້ອມ ແລະ ອາຫານປອດໄພ ແຂວງ ຫຼວງພະບາງ ໄດ້ລົງຕິດຕາມກວດກາສຸຂະນາໄມ-ອາຫານ ຢູ່ບັນດາໂຮງແຮມໃນນະຄອນຫຼວງພະບາງ ທີ່ສະໜອງອາຫານໃຫ້ຜູ້ແທນ ໃນກອງປະຊຸມ ປະຊຸມອາຊຽນ ແລະ ອາຊຽນ+3 ຂະແໜງການເງິນ-ທະນາຄານ ປະຈໍາປີ 2024 ແລະ ໃນຊ່ວງໄລຍະວັນເວລາດຽວກັນນີ້ 22-26 ມັງກອນ 2024 ທິມງານອາຫານປອດໄພ ກໍ່ໄດ້ລົງຊຸກຍູ້ກວດກາເຝົ້້າລະວັງດ້ານຄວາມປອດໄພອາຫານ, ສຸຂະນາໄມ ແລະ ອາຫານ ຮັບໃຊ້ກອງປະຊຸມ ອາຊຽນ ຂອງກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ. ໂດຍພາຍໄຕ້ການຊີ້ນໍາ ຂອງກົມອາຫານ ແລະ ຢາ, ກົມອະນາໄມ ແລະ ສົ່ງເສີມສຸຂະພາບ ແລະ ພະແນກສາທາລະນະສຸກແຂວງຫວລພະບາງ ເພື່ອຮັບປະກັນ ຄຸນນະພາບ ແລະ ຄວາມປອດໄພອາຫານ ໃຫ້ແກ່ ຜູ້ແທນຈາກບັນດາປະເທດອາຊຽນ ທີ່ ມາປະຊຸມ ຢູ່ ສປປ ລາວ.

ວັນທີ 23 ມັງກອນ 2023 ກົມອາຫານ ແລະ ຢາ ໄດ້ຈັດກອງປະຊຸມຜ່ານຮ່າງປັບປຸງບັນຊີຢາຈຳເປັນຂັ້ນພື້ນຖານແຫ່ງຊາດ ສະບັບທີ 9 ຢູ່ທີ່ກະຊວງສາທາລະນະສຸກ. ໂດຍການເປັນປະທານຂອງ ທ່ານ ປອ. ດຣ ສຸລິສັກ ສູນວໍລະວົງ ຮອງຫົວໜ້າກົມອາຫານ ແລະ ຢາ. ເຂົ້າຮ່ວມກອງປະຊຸມໃນຄັ້ງນີ້ມີ ສະຖາບັນການແພດ-ການຢາພື້ນເມືອງ, ແພດຊ່ຽວຊານຈາກບັນດາໂຮງໝໍສຸນກາງ ແລະ ວິຊາການທີ່ກ່ຽວຂ້ອງຈາກ ກົມອາຫານ ແລະ ຢາ ລວມທັງໝົດ 21 ທ່ານ.

ໃນຕອນເຊົ້າຂອງວັນທີ 17 ມັງກອນ 2024 ໄດ້ມີການຈັດກອງປະຊຸມຄະນະກໍາມະການວິຊາຊີບເພສັຊກັມປະຈຳເດືອນ ມັງກອນ 2024. ໂດຍການເປັນປະທານຂອງ ທ່ານ ອາຈານຖະໜອມ ອິນສານ ຫົວໜ້າຄະນະກຳມະການວິຊາຊີບເພສັຊກັມ ເຂົ້າຮ່ວມກອງປະຊຸມໃນຄັ້ງນີ້ມີ ທ່ານ ຮອງສາດສະດາຈານ ດຣ ອຸທິບ ສູນທະວົງ ຮອງຄະນະກຳມະການວິຊາຊີບເພສັຊກັມ ທ່ານ ດຣ ສຸກສົມຄວນ ຈັນທະມາດ ຮອງຫົວໜ້າກົມອາຫານ ແລະ ຢາ, ອຈ.ສຸນັນທາ ສຸວັນລາສີ ຄະນະບໍດີຄະນະເພສັຊສາດ, ຄະນະ ແລະ ກອງເລຂາກອງປະຊຸມຈາກ ກົມອາຫານ ແລະ ຢາ ແລະ  ມະຫາວິທະນາໄລວິທະຍາສາດສຸຂະພາບ ເຊິ່ງກອງປະຊຸມໄດ້ຈັດຢູ່ຫ້ອງປະຊຸມກະຊວງສາທາລະນະສຸກຊັ້ນ 05 ລວມທັງໝົດ 11 ທ່ານ.

ໃນລະຫວ່າງວັນທີ 25-27 ທັນວາ 2023 ກົມອາຫານ ແລະ ຢາໄດ້ຈັດກອງປະຊຸມຖອດຖອນບົດຮຽນປະຈໍາປີ 2023 ກ່ຽວກັບ ວຽກງານການຈັດຕັ້ງປະຕິບັດການຄຸ້ມຄອງການຢາໂຮງໝໍທີ່ດີ ແລະ ການຕິດຕາມການຊົມໃຊ້ຢາຕ້ານເຊື້ອ ທີ່ໂຮງງແຮມດອນຈັນພາເຣດ ນະຄອນຫຼວງວຽງຈັນ (ເອົາຕາມປ້າຍກອງປະຊຸມ). ໂດຍການເປັນປະທານຂອງ ທ່ານ ປອ ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ປະທານຮ່ວມ ທ່ານ ປອ ດຣ ສຸລິສັກ ສູນວໍລະວົງ ຮອງຫົວໜ້າກົມອາຫານ ແລະ ຢາ ແລະ ທ່ານ ດຣ. ນ. ຢູລີ ປາກ ຜູ້ປະສານງານຈາກອົງການອະນາໄມໂລກ ວຽກງານສາທາລະນະສຸກ ປະຈໍາ ສປປ ລາວ. ມີຜູ້ເຂົ້າຮ່ວມມາຈາກ ກົມປິ່ນປົວ ແລະ ຟື້ນຟູໜ້າທີ່ການ, ກົມຄວບຄຸມພະຍາດຕິດຕໍ່, ກອງກວດກາອາຫານ ແລະ ຢາ, ສູນວິໄຈອາຫານ ແລະ ຢາ, ສູນສະໜອງຢາ-ອຸປະກອນການແພດ, ສູນວິເຄາະ ແລະ ລະບາດວິທະຍາ, ສູນເມລີເອີ, 05 ໂຮງໝໍ ສູນກາງ, LOMWRU, ຂະແໜງອາຫານ ແລະ ຢາ ນະຄອນຫຼວງ, ຂະແໜງອາຫານ ແລະ ຢາ ແຂວງ , ໂຮງໝໍແຂວງ ຂອງ 17 ແຂວງ ທົ່ວປະເທດ, ໜ່ວຍງານອາຫານ ແລະ ຢາ ເມືອງ ແລະ ໂຮງໝໍ ຊຸມຊົນ ຂອງ 11 ເມືອງ ແຂວງ ວຽງຈັນ ແລະ 14 ເມືອງ,​01 ນະຄອນ ຂອງແຂວງ ສະຫວັນນະເຂດ, ບັນດາທ່ານ ຈາກພະແນກການພາຍໃນ ກົມອາຫານ ແລະ ຢາ ແລະ ຈາກ ອົງການຈັດຕັ້ງສາກົນ:​ ອົງການ ອະນາໄມໂລກ, ອົງການ Flemming Fund, ລວມຜູ້ເຂົ້າຮ່ວມທັງໝົດ 186 ທ່ານ.

ໃນຕອນເຊົ້າຂອງວັນທີ 21 ທັນວາ 2023 ໄດ້ມີການຈັດກອງປະຊຸມຄົບຄະນະກຳມະການວິຊາຊີບເພສັຊກັມ. ໂດຍການເປັນປະທານຂອງ ທ່ານ ອາຈານຖະໜອມ ອິນສານ ຫົວໜ້າຄະນະກຳມະການວິຊາຊີບເພສັຊກັມ ເຂົ້າຮ່ວມກອງປະຊຸມໃນຄັ້ງນີ້ມີ ທ່ານ ຮອງສາດສະດາຈານ ດຣ ອຸທິບ ສູນທະວົງ ຮອງຄະນະກຳມະການວິຊາຊີບເພສັຊກັມ ທ່ານ ດຣ ສີວົງ ແສງອາລຸນເດດ ຄະນະກຳມະການວິຊາຊີບເພສັຊກັມ, ຄະນະ ແລະ ກອງເລຂາກອງປະຊຸມຈາກ ກົມອາຫານ ແລະ ຢາ, ກອງກວດກາອາຫານ ແລະ ຢາ, ມະຫາວິທະນາໄລວິທະຍາສາດສຸຂະພາບ ເຊິ່ງກອງປະຊຸມໄດ້ຈັດຢູ່ຫ້ອງປະຊຸມສະພາວິຊາຊີບປິ່ນປົວ ແລະ ເຂົ້າຮ່ວມກອງປະຊຸມທາງໄກຜ່ານລະບົບ Zoom ລວມທັງໝົດ 13 ທ່ານ.

ການຝຶກອົບຮົມ ກ່ຽວກັບການກວດກາການຜະລິດທີດີ ໃຫ້ແກ່ພະນັກງານກວດກາ GMP ຂອງກະຊວງສາທາລະນະສຸກ ໄດ້ຈັດຂຶ້ນ ລະຫວ່າງວັນທີ 16-27 ຕຸລາ 2023 ທີ່ໂຮງແຮມ ລາວ ພລາຊາ ນະຄອນຫຼວງວຽງຈັນ ໂດຍການສະໜັບສະໜູນ ຈາກອົງການອະນາໄມໂລກ.

ໃນວັນທີ 26 ກັນຍາ 2023 ກົມອາຫານ ແລະ ຢາ ໄດຈັດກອງປະຊຸມປຶກສາຫາລືກ່ຽວກັບຄວາມຍືນຍົງໃນການຜະລິດເກືອປະສົມສານໂປຕາຊຽມໄອໂອເດດ ທີ່ ໂຮງແຮມດອນຈັນພາເລດ. ໂດຍການເປັນປະທານຂອງທ່ານ ປອ. ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ ແລະ ທ່ານ Hari Vinathan ຊ່ຽວຊານດ້ານໂພຊະນາການ

ປະກາດ

ກົມແຜນການ ແລະ ການເງິນ, ກະຊວງສາທາລະນະສຸກ ຂໍປະກາດວ່າ ໂຄງການໄດ້ສໍາເລັດ ຊຸດເອກະສານຂອບຂ່າຍຄຸ້ມຄອງສິ່ງແວດລ້ອມ ແລະ ສັງຄົມ ສຳລັບໂຄງການເຂົ້້າເຖີງການບໍລິການສຸຂະພາບ ແລະ ໂພຊະນາການ (ໂຄງການ ຂ-ບສພ) ໄລຍະ 2 ຕາມນະໂຍບາຍຂອງທະນາຄານໂລກ ຊຶ່ງເອກະສານດັ່ງກ່າວປະກອບມີ:

1. ຂອບຂ່າຍຄຸ້ມຄອງສິ່ງແວດລ້ອມ ແລະ ສັງຄົມ ຂອງ ໂຄງການ ຂ-ບສພ 2 (ESMF)
2. ແຜນພັນທະນາດ້ານສິ່ງແວດລ້ອມ ແລະ ສັງຄົມ ຂອງ ໂຄງການ ຂ-ບສພ 2 (ESCP)
3. ແຜນການມີສ່ວນຮ່ວມຂອງຜູ້ທີ່ມີສ່ວນກ່ຽວຂ້ອງ ຂອງ ໂຄງການ ຂ-ບສພ 2 (SEP)
4. ບົດລາຍງານການປະເມີນສິ່ງແວດລ້ອມ ແລະ ສັງຄົມແບບເລັ່ງດ່ວນ (RESAR)
5. ມາດຕະຖານການດຳເນີນງານ ການປະສານງານ, ການຄຸ້ມຄອງການປະສານງານ ແລະ ການສົ່ງຕໍ່ ແມ່ຍິງ ແລະ ເດັກຍິງ ທີ່ຖືກຄວາມຮຸນແຮງ

ຖ້າທ່ານໃດມີຄວາມສົນໃຈ ກະລຸນາ ເຂົ້້າເບິ່ງໄດ້ ທີ່ http://www. fdd.gov.la ຫຼື ຖ້າຕ້ອງການນໍາໃຊ້ກະລຸນາຕິດຕໍ່ກັບ ຫ້ອງການປະສານງານໂຄງການ ຂ-ບສພ, ກົມແຜນການ ແລະ ການເງິນ, ກະຊວງສາທາລະນະສຸກ ໂທລະສັບ: 021-252753, E-mail: hansaadm2019@gmail.com