ບົດຂ່າວໂດຍ: ວົງຕະກຸນ ສົມສະໝຸດ, ພະແນກຄຸ້ມຄອງຢາພື້ນເມືອງ ກົມອາຫານ ແລະ ຢາ

          ເພື່ອສືບຕໍ່ຈັດຕັ້ງຜັນຂະຫຍາຍດຳລັດ155/ນຍ ກ່ຽວ​ກັບ​ການ​ສົ່ງ​ເສີມ​ການ​ນຳ​ໃຊ້ ​ແລະ ປົກ​ປັກ​ຮັກສາ​ຊັບພະຍາກອນ​ທຳ​ມະ​ຊາດ​ທີ່​ເປັນ​ຢາ ແລະ ເພື່ອສືບຕໍ່ໃຫ້ມີການເພີ່ມທະວີຮ່ວມມືກັບບັນດາຂະແໜງການທີ່ກ່ຽວຂ້ອງກ່ຽວກັບວຽກງານຄຸ້ມຄອງຊັບພະຍາກອນທໍາມະຊາດທີ່ເປັນຢາ ໄດ້ຖືກອະນຸລັກ ໃຫ້ຄົງຢູ່ຕະຫລອດໄປ. ດັ່ງນັ້ນ, ກົມອາຫານ ແລະ ຢາ ໂດຍການສົມທົບກັບຂະແໜງອາຫານ ແລະ ພະແພກສາທາລະນະສຸກ ແຂວງ ໄດ້ຈັດປະຊຸມສໍາມະນາ ຂຶ້ນທີ່ແຂວງ ຫລວງນໍ້າທາ 4-6 ພະຈິກ ເຊິ່ງຈຸດປະສົງເພື່ອ:

-      ເພື່ອຕີລາຄາຄືນການຈັດຕັ້ງປະຕິບັດດຳລັດ 155/ນຍ. ກ່ຽວ​ກັບ​ການ​ສົ່ງ​ເສີມ​ການ​ນຳ​ໃຊ້ ​ແລະ ປົກ​ປັກ​ຮັກສາ​ຊັບພະຍາກອນ​ທຳ​ມະ​ຊາດ​ທີ່​ເປັນ​ຢາ.

-      ເພື່ອອົບຮົມ-​ຍົກ​ລະດັບຄວາມ​ຮູ້ໃຫ້​ພະນັກງານ​ປະຈຳ​ດ່ານ ​ແລະ ບັນ​ດາພາກສ່ວນ​ກ່ຽວຂ້ອງ​ ສາມາດ​ເຂົ້າ​ໃຈ ​ແລະ ຮັບ​ຮູ້​ໄດ້​ກ່ຽວ​ກັບ​ບັນຊີ​ຕົ້ນ​ໄມ້​ເປັນ​ຢາ 50 ລາຍ​ການ​ ​​ເພື່ອ​ຜັນ​ຂະຫຍາຍ​ໃນການຈັດ​ຕັ້ງປະຕິບັດ ​ ການຕິດຕາມ, ກວດກາ, ອະນຸມັດ​ນຳ​ເຂົ້າ-ສົ່ງ​ອອກຂອງ​ບັນດາ ຫົວໜ່ວຍເຄື່ອນໄຫວທຸລະກິດດ້ານຢາພື້ນເມືອງ​ໃຫ້​ຖືກຕ້ອງ​ ​ແລະ ໄປຕາມລະບຽບການທີ່ວາງອອກ.

-      ເພື່ອແລກປ່ຽນຄວາມຄິດເຫັນ ແລະ ຂໍ້ສະເໜີຕໍ່ວຽກງານດັ່ງກ່າວໃຫ້ຮັບຄວາມຮ່ວມມືປະສານງານລະຫວ່າງກະຊວງສາທາລະນະສຸກ-ອົງການກ້ຽວຂ້ອງໃນການຄຸ້ມຄອງກວດກາໃຫ້ຮັດກຸມ ແລະ ດີກ່ວາເກົ່າ

-      ເພື່ອຊຸກຍູ້​ບັນດາ​ພາກສ່ວນ​ຕ່າງໆ ທີ່​ດຳ​ເນີນ​ທຸລະ​ກິດ ດ້ານ​ຢາ​ພື້ນ​ເມືອງ ​ໃຫ້​ປະຕິບັດ​ຕາມ​ລະບຽບກົດ​ໜາຍ​ທີ່​ວາງ​ອອກ, ​ໃຫ້​ມີ​ການ​ປະສານ​ງານ​ລະຫວ່າງ​ຂະ​​ແໜງການທີ່​ກ່ຽວຂ້ອງ​ໃຫ້​ຖືກຕ້ອງ ​ແລະ ສົ່ງ​ເສີມ​ຊັບພະຍາກອນ​ທຳ​ມະ​ຊາດ​ທີ່​ເປັນ​ຢາ​ໃຫ້​ກາຍ​ເປັນ​ສິນ​ຄ້າ​ເສດຖະກິດ​ຂອງ​ປະ​ເທດ, ນຳ​ໃຊ້​ຊັບພະຍາກອນ​ ເຂົ້າ​ມາ​ປິ່ນປົວ​ຮັກສາ​ໃນ​ບັນດາ​ຕາໜ່າງສາທາລະນະ​ສຸກ, ນຳ​ໃຊ້ ​ແລະ ​ປົກ​ປັກ​ຮັກສາ​ໃຫ້​ມີ​ລັກສະນະ​ແບບ​ຍືນ​ຍົງ.

          ຜົນໄດ້ຮັບຂອງກອງປະຊຸມຄັ້ງນີ້ ບັນດາ​ຜູ້​ເຂົ້າ​ຮ່ວມ​ອົບຮົມ​ໃນ​ສາມາດ​ຮັບ​ຮູ້​ໄດ້ ​ແລະ ມີ​ຄວາມ​ເຂົ້າ​ໃຈ​ເລິ່ງເຊິ່ງຂຶ້ນ ເຖິງຄວາມສໍາຄັນຂອງພືດທີ່ເປັນຢາ ໂດຍສະເພາະພືດທີ່ນອນຢູ່ໃນບັນຊີ​ພືດ​ເປັນ​ຢາ ​ໃນ​ຈໍານວນ 50 ລາຍການ. ນອກຈາກນີ້ ຜູ້ເຂົ້າຮ່ວມຍັງໄດ້ຮັບຮູ້ ແລະ ເຂົ້າໃຈຕື່ມເຖິງລະບຽບການຕ່າງໆ ທີ່ກ່ຽວຂ້ອງ  ແລະ ຂະບວນການ ກວດກາ, ຄວບຄຸມການ​ນໍາ​ເຂົ້າ-​ສົ່ງ​ອອກຊັບພະຍາກອນທໍາມະຊາດການທີ່​ເປັນ​ຢາປະຈຳ​ດ່ານ ​ແລະຈະ​ມີ​ຄວາມ​​ເປັນ​ເອກະ​ພາບ, ສໍາລັບການປະຕິບັດຮ່ວມ​ນຳຂະ​ແໜງ​ການ​ທີ່​ກ່ຽວຂ້ອງໃນຕໍ່ຫນ້າ.